Þakkir
Mér eru efst í huga þakkir til Katrínar og Bjarna fyrir þá virðingu sem þau sýna minningu foreldra minna og Benedikts litla.
Minningarstundin sem Katrín Jakobsdóttir forsætisráðherra bauð til við minningarsteininn á Þingvöllum þar sem Ráðherrabústaðurinn eða Konungshúsið stóð þar til það brann til grunna 10. júlí 1970 var látlaus og hátíðleg.
Katrín Jakobsdóttir og Bjarni Benediktsson, formaður Sjálfstæðisflokksins, fjármála- og efnahagsmálaráðherra fluttu ávörp. Má sjá það hér og heyra . Orð þeirra snertu alla sem þarna voru í einstaklega fallegu veðri.
Guðni Th. Jóhannesson forseti Íslands var við athöfnina.
Mér eru efst í huga þakkir til Katrínar og Bjarna fyrir þá virðingu sem þau sýna minningu foreldra minna og Benedikts litla. Þá vil ég einnig þakka öllum sem sent hafa kveðjur í tilefni þessa minningardags. Engin tök eru á að þakka hverjum og einum en margir minnast þessa dags og þeirra sem minnst er.
Ég læt nokkrar myndir tala.
Grafreiturinn í Fossvogskirkjugarði.
Katrín Jakobsdóttir hugar að blómsveig ríkisstjórnarinnar.
Bjarni Benediktsson flytur ávarp.
Afkomendur við minningarsteininn.
Guðrún, Björn, Valgerður - Anna er búsett í Sviss.
Að athöfn lokinni.
Kaffiveitingar voru í Þingvallabænum í boði forsætisráðherra.