Siglt til Capri
Dagurinn á Capri og umhverfis eyjuna var ævintýralegur.
Capri er 10,4 ferkílómetra klettaeyja í Tyrrenahafi, hluta Miðjarðarhafs, í um 60 mínútna siglingu frá Napólí, íbúar eyjunnar voru um 12.000 árið 2022 en þangað streyma milljónir ferðamanna ár hvert og er því þröngt á þingi á þeim fáu stöðum sem nýttir eru til að veita þeim þjónustu á eyjunni.
Hópur Íslendinga heimsótti eyjuna mánudaginn 24. apríl, við fórum í Bláa hellinn, sigldum í kringum eyjuna og gengum um ferðamannastaðina á þeim 7 klukkutímum sem við dvöldumst þar. Hér fylgja nokkrar myndir úr ferðinni:
Capri er 10,4 ferkílómetrar að stærð og skiptist í tvö sveitarfélög,
Séð yfir höfnina sem milljónir manna fara um ár hvert.
Skammt frá höfninni er Blái hellirinn. Til að komast inn í hann þarf að leggjast flatur í svona bátskænjur sem bíða ferðamannanna,
Það er vissulega þess virði að heimsækja Bláa hellinn.
Að lokinni heimsókn í Bláa hellinn sigldi hópurinn í kringum Capri.
Þröngir vegir hanga utan í klettahlíðum.
Þeir eiga sína Dyrhólaey – siglt var í gegnum gatið.
Þessi tignarlegi viti hefur leiðbeint mörgum sjófarendum.