Heillaóskir til Hildar
Hildur Guðnadóttir fær Óskarsverðlaunin.
Hildur Guðnadóttir hlaut Óskarsverðlaunin í nótt fyrir tónlistina í kvikmyndinni Jóker. Það er hápunktur sigurgöngu hennar undanfarna mánuði eins og meðfylgjandi listi sýnir. Hann sá ég á FB-síðu Magnúsar Lyngdals Magnússonar sem sagði:
„Sigurganga Hildar Guðnadóttur ætlar engan endi að taka. Óskarsverðlaunin í nótt voru auðvitað frábær og rúsínan í pylsuendanum á glæstri göngu. Munum það að Hildur hóf nám sitt í tónlistarskólum hér á landi. Stöndum vörð um tónlistarnám og eflum það.“
Um leið og undir þessi orð Magnúsar er tekið eru Hildi fluttar innilegar heillaóskir:
