Franska þingið heimilar skjótar aðgerðir
Franck Riester menningarmálaráðherra sagði þingmönnum að ekkert yrði gert að óathuguðu máli í viðgerðarvinnunni. Í því fælist „metnaður og festa“ að ætla að ljúka við viðgerðina á innan við fimm árum.
Að morgni laugardags 11. maí samþykkti neðri deild franska þingsins neyðarlög ríkisstjórnar Emmanuels Macrons Frakklandsforseta um endurgerð Notre-Dame de Paris, Maríukirkjunnar, sem varð eldi að bráð mánudaginn 15. apríl.
Fjölmargar hugmyndir um endurgerð hafa verið kynntar.
Franck Riester menningarmálaráðherra sagði þingmönnum að ekkert yrði gert að óathuguðu máli í viðgerðarvinnunni. Í því fælist „metnaður og festa“ að ætla að ljúka við viðgerðina á innan við fimm árum.
Um milljaður evra hefur safnast í viðgerðasjóð og eru gjafir í hann skattfrjálsar, þær renna aðeins til Notre-Dame verkefnisins, sagði ráðherrann.
Eins og segir frá hér á síðunni mótmæla margir sérfróðir menn hraða stjórnvalda. Óttast þeir fljótaskrift. Þá vilja þeir að efni í bygginguna sé valið af kostgæfni.
Nú fer frumvarp fönsku stjórnarinnar í öldungadeild þingsins og er gengið að því sem vísu að það verði samþykkt.