Enn gýs á Reykjanesi
Það var magnað að sjá menn á hlaupum við hraunjaðarinn í nýja eldgosinu á Reykjanesi um klukkan 09.40 sunnudagsins 14. janúar til að bjarga stórvirku vinnuvélum.
Það var magnað að sjá menn á hlaupum við hraunjaðarinn í nýja eldgosinu á Reykjanesi um klukkan 09.40 sunnudagsins 14. janúar til að bjarga stórvirku vinnuvélunum sem voru notaðar til að gera varnargarðinn fyrir ofan Grindavík. Tækjunum var ekið á brott og mátti sjá ljós þeirra þegar þeim var ekið á brott frá glóandi hrauninu sem stefndi í átt að Grindavík.
Í fréttum sagði að allar stærstu og mikilvægustu vinnuvélar landsins væru á staðnum.
Ég tók nokkrar myndir af sjónvarpsskjánum og fylgja þær hér með.
Þarna má sjá stóru gröfurnar að því er virðist við hraun jaðarinn.
Ljósin sýna að tækin eru komin af stað frá hrauninu. Þarna sést líka röð af stórum bílum sem fluttu jarðefni í varnargarðana.
Síðar var flutningabílunum ekið á brott.
Jarðskjálftahrina hófst við Sundhnúksgíga á Reykjanesi rétt fyrir kl. 3 aðfaranótt 14. janúar þegar hátt í 200 jarðskjálftar voru mældir á svæðinu. Samhæfingarstöð Almannavarna var virkjuð á fjórða tímanum í nótt. Lögreglan á Suðurnesjum rýmdi. Hótelgestir sem gistu á Svartsengissvæðinu yfirgáfu svæðið og hefur fjöldahjálparstöð var opnuð um nóttina í Efstaleiti 9 í Reykjavík. Eldgos hófst klukkan 7:57.
Í þann sama mund var ég á leið inn í Laugardalslaugina og hafði synt 100 m þegar sundkona kom í laugina og sagði mér að gos hefði hafist skammt frá utan varnargarða við Grindavík. Síðar kom í ljós að hraunið rann sitt hvoru megin við garðana og í áttina að bænum.