Síðdegis var efnt til málþings í dómsmálaráðuneytinu um almannavarnir og hlutverk NATO með fyrirlesurum frá NATO.

Klukkan 17.00 voru jólatónleikar Kammersveitar Reykjavíkur í Áskirkju, þar sem Rut spilaði Bach, eins og heiti tónleikanna sagði.

Borgarstjórnarfundur síðdegis um fjárhagsáætlun og stóð hann til klukkan 03.10 að morgni 19. des. en ég fór skömmu eftir kvöldmat og sótti meðal annars jólatónleika Lögreglukórsins í kirkju Fíladelfíu.

Síðustu fundir þings fyrir jól og var eftirlaunafrumvarpið svonefnda samþykkt.

Fór klukkan 18.30 í viðræður við Margréti Frímannsdóttur í Silfri Egils á Stöð 2 og var rætt um eftirlaunafrumvarpið og deilur um það á þingi.

Klukkan 19.30 var ég í Kastljósi sjónvarpsins með Ögmundi Jónassyni undir stjórn Kristjáns Kristjánssonar og var einkum fjallað um fundinn á Saddam Hussein og síðan einnig eftirlaunafrumvarpið.

Umræður á þingi allan daginn um svonefnt eftirlaunafrumvarp ráðherra og þingmanna.

Klukkan 14.00 flutti ég ávarp við brautskráningu úr Lögregluskóla ríkisins í Bústaðakirkju.

Klukkan 14.00 hófst borgarstjórnarfundur, þar sem fjárhagsáætlun fyrir árið 2004 var til fyrri umræðu.

Fór klukkan 20.00 á jólatónleika hvítasunnumanna í Fíladelfíukirkjunni.

Klukkan 11.30 var ég í Þjóðmenningarhúsinu, þar sem kynntar voru styrkveitingar úr Kristnihátíðarsjóði við hátíðlega athöfn.

Klukkan 17.00 fór ég á aðventutónleika Schola Kantorum og kammersveitar í Hallgrímskirkju.

Klukkan 20.00 var ég á aðventukvöldi í Grensáskirkju, þar sem ég flutti ræðu.

Klukkan 10.00 var generalprufa á myndbandi qi-gong félagsins fyrir félagsmenn og gesti þeirra í húsakynnum ÍSÍ í Laugardal. Að henni lokinni ákváðum við að taka bandið til frekari skoðunar í því skyni, að það yrði aðgengilegra fyrir byrjendur. Áhugi á qi gong hefur aldrei verið meiri og eigum við í vanda með að sinna óskum manna um þátttöku.

Flaug frá London klukkan 08.55 til Brussel, kominn þangað klukkan 11.00 á staðartíma og á fund í höfuðstöðvum ESB klukkan 12.00. Stjórnaði Schengen-ráðherrafundi frá klukkan 15.00 til 16.30. Hélt aftur út á flugvöll og tók vél þaðan til London klukkan 17.40 og heim frá London klukkan 20.50, lenti á Keflavíkurflugvelli klukkan 24.00.

Flutti í hádeginu erindi um utanríkismál í Rótarý-klúbbi Reykjavíkur.

Klukkan 13.30 var atkvæðagreiðsla á þingi um fjárlagafrumvarpið 2004 eftir aðra umræðu þess.

Hélt klukkan 15.15 af stað til Keflavíkurflugvallar og tók vél þaðan til London klukkan 17.00. Gisti á Heathrow-flugvelli.

Klukkan 14.00 setti ég málþing á vegum Norðurlandaskrifstofu og verkefnisstjórnar ríkisstjórnarinnar um upplýsingamál um rafrænt lýðræði, sem haldið var á Hótel Sögu.

Fór fyrir hádegi í heimsókn til sýslumannsins á Keflavíkurflugvelli, Jóhanns Benediktssonar, og kynnti mér landamæravörslu og öryggisgæslu í flugstöð Leifs Eiríkssonar á hans vegum.

Síðdegis heimsótti ég skrifstofur sýslumannsins í Reykjanesbæ, Jóns Eysteinssonar.

Á milli þessara embætta er mikilvæg samvinna á ýmsum sviðum, bæði að því er varðar flugvöllinn og umferð á Reykjanesbraut.

Var klukkan 13.00 í kaffispjalli hjá Kristjáni Þorvaldssyni á rás 2. Ræddum við um fjölmiðla, viðbrögð Davíðs við kaupréttarsamningi frostjóra og stjórnarformanns Kaupþings/Búnaðarbanka o.fl.

Fórum um kvöldið til Reykjanesbæjar og sáum leikritið Græna landið eftir Ólaf Hauk Símonarson með Gunnari Eyjólfssyni, Kristbjörgu Kjeld og Birni Thors. Þótti okkur mikið til þess koma.

Klukkan 14.00 var borgarstjórnarfundur og tók ég þar til máls um aðför R-listans að Steinunni Birnu Ragnarsdóttur og stærðfræðikunnáttu grunnskólabarna.

Tók klukkan 18.00 þátt í athöfn í Gufuneskirkjugarði, þegar afhjúpað var minnismerki eftir Rúrí, Hlið, til virðingar við þá, sem ekki hafa fundist og eru taldir látnir.

Flutti erindi í Hallgrímskirkju klukkan 12.30 um kristni í fjölmenningarsamfélaginu.

Sótti klukkan 14.00 dagskrá með verkum Matthíasar Johannessens og Jóns Ásgeirssonar í Þjóðmenningarhúsinu.

Setti klukkan 09.00 að Nordica hotel málþing um landamæraeftirlit á flugvöllum.

Setti klukkan 19. 30 skákeinvígi þeirra Friðriks Ólafssonar og Bents Larsens á hótel Loftleiðum.

Fór klukkan 20.00 á tónleka Kammersveitar Reykjavíkur í Listasafni Íslands með verkum Hjálmars H. Ragnarssonar.

Flaug heim frá London klukkan 13.00.

Um kvöldið fórum við Rut á tónleika til heiðurs Jóni Ásgeirssyni í Salnum.

Flaug frá Brussel til London, þar sem ég hitti Sigríði Sól, dóttur mína, og dvaldist hjá henni og flölskyldu hennar fram á sunnudag.

Sat fund í fastanefnd Íslands hjá NATO og ræddi um öryggis- og varnarmál, en klukkan 12.00 tók ég við stjórn ráðherrafundar um Schengen málefni og lauk forsæti mínu þar rúmlega 16.00.

Hélt klukkan 07.35 til Brussel í gegnum Ósló og var kominn á leiðarenda um klukkan 14.30, sat síðan fundi í Evrópusendiráði Íslands og með embættismönnum Evrópusambandsins (ESB) til undirbúnings ráðherrafundi um Schengen.

Í DV birtist við mig viðtal um varnar- og öryggismál.

Fór síðdegis í Viðskiptaháskólann á Bifröst, þar sem ég flutti erindi klukkan 16.00 og svaraði síðan fyrirspurnum.

Svaraði tveimur fyrirspurnum á alþingi. Sat síðan þingflokksfund og borgarstjórnarflokksfund en klukkan 18.00 var hátíðleg athöfn á fimmtu hæð Apóteksins, þar sem afhent voru verðlaun fyrir vefsíðugerð árið 2003 og naut ég þess óvænta og ánægjulega heiðurs að fá verðlaun fyrir besta einstaklingsvefinn.

Fórum í heimsókn til sýslumannsins á Akureyri, heimsóttum lögreglustöðina og fór til laganema við Háskólann á Akureyri og ávarpaði ég þá. Síðan hittum við dómara við héraðsdóminn á Akureyri.

Eftir hádegi ókum við til Ólafsfjarðar og hittum sýslumann og lögreglumenn þar auk þess að kynna okkur starf þeirra, sem þar vinna að því að skanna alþingistíðindi inn á vefinn. Á leiðinni í gegnum Dalvík hittum við lögreglumanninn, sem var þar á vakt.

Komum til baka til Reykjavíkur með fimm-vélinni.

Um kvöldmatarleytið héldum við Þorsteinn Davíðsson fljúgandi norður á Akureyri og efndum hittum forystumenn Varðar, félags ungra sjálstæðismanna.

Klukkan 16.30 var boðið til hófs í nýjum húsakynnum dóms- og kirkjumálaráðuneytisins við Skuggasund til að sýna hina góðu starfsaðstöðu, sem þar hefur verið sköpuð, og fagna flutnngum á þennan nýja stað.

Fór klukkan 10.00 í heimsókn til sýslumannsins í Reykjavík og kynnti mér starfsemi hjá honum.

Klukkan 13.30 heimsótti í skrifstofu Landssambands lögreglumanna og átti fund með forystumönnum þess,

Tók klukkan 16.30 þátt í kynningarfundi í Bústaðakirkju á kirkjulegu starfi í prófastdæminu Reykjavík vestur.

Fórum klukkan 11.00 i messu í Dómkirkjunni í tilefni af kirkjuþingi.

Klukkan 14.00 var kirkjuþing sett í Grensáskirkju og flutti ég þar ræðu.

Sótti á hádegi fund sýslumanna á Selfossi og flutti þar ræðu.

Flutti fjögur mál á alþingi fyrir hádegi en tók þátt í borgarstjórnarfundi síðdegis og lét þar einkum að mér kveða vegna þess hve illa er staðið að varðveislu fornminja við Aðalstræti.

Héldum af stað með Austrian Airlines til Vínarborgar klukkan 08.30 og græddum einn tíma á leiðinni þangað - vorum þar á flugvellinum frá rúmlega níu til ellefu, þegar farið var um borð í SAS-vél til Kaupmannahafnar og þaðan heim með Icelandair, sem lenti rúmlega 15.00 en síðan héldum við austur að Kvoslæk og vorum þar fram á sunnudag.

Dómsmálaráðherrafund Evrópuráðsins lauk um hádegisbil en síðdegis gafst fundarmönnum tækifæri til skoðunarferðar um Sófíu. Kom mér á óvart hve kalt var í lofti og mikill vindur var svo sunnarlega en borgin stendur hátt og í skjóli harra fjalla, sem voru snæviþakin efst. Við fórum um verslunargötur og á markaði, þar sem allt var á iðandi lífi og unnt að kaupa nauðþurftir á lágu verði, enda ríkidæmi ekki mikið meðal almennings, þótt aðrir bærust mikið á í glæsibílum.