Dagbók

Fimmtudagur 31.8.2000 - 31.8.2000 0:00

Flugum um Stokkhólm til Helsinki og vorum þar um kvöldið á tónleikum Radda Evrópu.

Miðvikudagur 30.8.2000 - 30.8.2000 0:00

Þjóðardagur Íslands á EXPO 2000 frá klukkan 10.00 til klukkan 03.00.

Þriðjudagur 29.8.2000 - 29.8.2000 0:00

Flugum snemma morguns um Kaupmannahöfn til Hannover og vorum þar um kvöldið í íslenska skálanum.

Sunnudagur 27.8.2000 - 27.8.2000 0:00

Klukkan 14.00 var ég á Bifröst í Norðurárdal, þar sem háskólinn var settur og flutti ég ávarp og afhjúpaði nýtt nafn og merki Viðskiptaháskólans á Bifröst, en samvinnuheitið hefur verið fjarlægt úr nafninu.

Laugardagur 26.8.2000 - 26.8.2000 0:00

Klukkan 14.00 renndum við Rut í hlað að Hlíðarenda í Fljótshlíð og gengum þaðan að Nikulásarhúsum í nýjan lund, Nínulaund, sem var formlega vígður á afmælisdegi Nínu Sæmundsson myndhöggvara henni til heiðurs með því meðal annars, að ég afhjúpaði afsteypu af styttu hennar, Ung móðir, í lundinum. Klukkan 20.00 fórum við á tónleika Radda Evrópu í Hallgrímskirkju.

Föstudagur 25.8.2000 - 25.8.2000 0:00

Snemma í sumar hafði verið ákveðið, að þennan dag yrðu ný húsakynni sjónvarpsins formlega opnuð í Efstaleiti með þátttöku minni. Gat ég ekki hlaupið frá því verkefni, þótt þingflokkur sjálfstæðismanna kæmi saman til mikilvægs fundar í Vík í Mýrdal þennan dag. Var athöfnin í Efstaleiti klukkan 17.15 og flutti ég þar ávarp og tók síðan þátt í Kastljósi klukkan 19.30.

Fimmtudagur 24.8.2000 - 24.8.2000 0:00

Flutti erindi á ráðstefnunni og fjallaði um hlutverk tungumálsins í sjálfsmynd þjóða. Ráðstefnan var haldin í Svarta demantinum, eins og ný bygging við danska landsbókasafnið heitir, einstaklega glæsilegt hús, sem minnti mig á hve mikils virði er fyrir okkur Íslendinga að bæta aðstöðu hér til tónleika- og ráðstefnuhalds. Það er ekki síður mikilvægur liður í að gera þjóðina samkeppnishæfa en framfarir á öðrum sviðum. Flaug heim frá Kaupmannahöfn um kvöldið.

Miðvikudagur 23.8.2000 - 23.8.2000 0:00

Flaug um hádegisbilið til Kaupmannahafnar á ráðstefnu um norræn menningarmál.

Mánudagur 21.8.2000 - 21.8.2000 0:00

Klukkan 8.00 fór ég á fund, sem Skref fyrir skref skipulagði um nýjar aðferðir við mat á skólastarfi undir merkjum velvildarvogarinnar og flutti ég þar ávarp, þar sem ég andmælti þeim, sem leggja sig fram um að draga dökka mynd af íslenska skólakerfinu.

Föstudagur 18.8.2000 - 18.8.2000 0:00

Klukkan 17.00 var Baldur frumfluttur í Laugardalshöll.

Fimmtudagur 17.8.2000 - 17.8.2000 0:00

Klukkan 15.00 var nýtt húsnæði Miðstöðvar símenntunar á Suðurnesjum tekið í notkun og fjarkennsla Háskólans á Akureyri í hjúkrunarfræði og rekstrarfræði formlega hafin.

Miðvikudagur 16.8.2000 - 16.8.2000 0:00

Klukkan 15.00 var athöfn í Nesstofu, þar sem Læknafélag Íslands afhenti ríkinu mikla dánargjöf Jóns Steffensens prófessors til að efla læknaminjasafn. Klukkan 16.00 var athöfn í bókasafni Flensborgarskóla, þar sem ný mannkynssaga frá Nýja bókafélaginu var kynnt og ég opnaði Söguvef, sem er gerður í tengslum við kennslubækurnar. Klukkan 18.45 hófst landsleikur Íslands og Svíþjóðar í knattspyrnu, sem okkar menn sigruðu á glæsilegan hátt, 2:1.

Þriðjudagur 15.8.2000 - 15.8.2000 0:00

Flaug um Kaupmannahöfn frá Árósum til Keflavíkur og var lentum við klukkan 12.00 á hádegi.

Mánudagur 14.8.2000 - 14.8.2000 0:00

Ráðstefna um háskólamálefni í Árósum.

Sunnudagur 13.8.2000 - 13.8.2000 0:00

Flaug um morguninn um Kaupmannahöfn til Árósa.

Laugardagur 12.8.2000 - 12.8.2000 0:00

Á heimleið frá Kirkjubæjarklaustri höfðum við viðdvöl í Brydebúð í Vík í Mýrdal og hittum forsvarsmenn sveitarfélagsins og uppbyggingar á Brydebúð, þar sem vel hefur verið að verki staðið.

Föstudagur 11.8.2000 - 11.8.2000 0:00

í hádeginu hitti ég þá, sem kenna íslensku erlendis, og ræddi við þá um íslenskukennslu innan lands og utan. Lýsti ég þeirri skoðun, að áhugi á íslenskri tungu og menningu eigi aðeins eftir að aukast á komandi árum og huga þurfi vel að mótun stefnu til að koma til móts við þennan vaxandi áhuga. Síðdegis héldum við Rut að Kirkjubæjarklaustri en um kvöldið vorum við þar á fyrstu tónleikum sumartónleikanna, sem Edda Erlendsdóttir píanóleikari hefur staðið fyrir og nú var efnti til í tíunda sinn.

Sunnudagur 6.8.2000 - 6.8.2000 0:00

Ók frá Chartres til Charles de Gaulle-flugvallarins, Flugleiðavélin var á réttum tíma eins og á leiðinni út og þjónustan um borð með miklum ágætum að vanda.

Laugardagur 5.8.2000 - 5.8.2000 0:00

Ók frá Corréze til Chartres og skoðaði dómkirkjuna með hinum einstæðu gluggum.