Dagbók

Mánudagur 31.12.2001 - 31.12.2001 0:00

Klukkan 10.30 var ríkisráðsfundur á Bessastöðum. Klukkan 14.00 vorum við Rut í útvarpshúsinu, þegar verðlaun Rithöfundasjóðs Ríkisútvarpsins voru afhent Álfrúnu Gunnlaugsdóttur og Sigfúsi Bjartmarssyni. Klukkan 15.20 tók ég þátt í Silfri Egils fyrst með Ingibjörgu Sólrúnu Gísladóttur og Birgi Guðmundssyni, fréttastjóra DV, og síðan þeim Guðna Ágústssyni, Össuri Skarphéðinssyni og Steingrími J. Sigfússyni.

Sunnudagur 30.12.2001 - 30.12.2001 0:00

Klukkan 15.00 fórum við Rut í Fríkirkjuna í Reykjavík og hlýddum þá Sigurð Halldórsson og Gunnlaug T. Stefánsson flytja verk fyrir selló og bassa. Klukkan 17.00 fór ég í Hallgrímskirkju og hlustaði á frumflutning Jólaóratóríu eftir John A. Speight fyrir einsöngvara, tvo kóra og litla hljómsveit undir stjórn Harðar Áskelssonar.

Laugardagur 29.12.2001 - 29.12.2001 0:00

Klukkan 10.30 flaug ég til Vestmannaeyja , efndi þar til fundar með Eyverjum og tók þátt í vígslu nýbyggingar við íþróttahúsið. Kom aftur til Reykjavíkur klukkan rúmlega 17.00.

Föstudagur 28.12.2001 - 28.12.2001 0:00

Klukkan 15.30 vorum við Rut í Norræna húsinu, þegar Þráinn Eggertsson fékk verðlaun Ásu Wright.

Fimmtudagur 27.12.2001 - 27.12.2001 0:00

Klukkan 16.00 tilkynnti Frjáls verslun, að bræðurnir í Bakkavör hefðu verið valdir menn ársins í viðskiptalífinu og var að því tilefni efnt til veislu í Ársal, Hótel Sögu. Klukkan 19.00 var ég við tilnefningu á íþróttamönnum ársins og fór athöfnin fram með nýjum hætti á Grand hóteli.

Föstudagur 21.12.2001 - 21.12.2001 0:00

Klukkan 14.00 rituðum við Páll Skúlason rektor Háskóla Íslands undir samning um rannsóknastarf við skólann og aðferðir til að fjármagna það. Fór athöfnin fram í Þjóðmenningarhúsinu.

Fimmtudagur 20.12.2001 - 20.12.2001 0:00

Klukkan 15.30 var ég í Gerðarsafni, þegar Búnaðarbanki Íslands úthlutaði menningarstyrkjum. Klukkan 19.30 tók ég þátt í Kastljósi sjónvarpsins undir stjórn Kristjáns Kristjánssonar með Jóni Baldvini Hannibalssyni sendiherra, þar sem meðal annars var rætt um bók mína Í hita kalda stríðsins.

Miðvikudagur 19.12.2001 - 19.12.2001 0:00

Klukkan 15.00 tók ég þátt í því að opna nýtt kennsluhúsnæði Fræðslumiðstöðvar bílgreina að Gylfaflöt í Reykjavík. Klukkan 20.00 fórum við á tónleika Bjarkar Guðmundsdóttur í Laugardalshöll.

Þriðjudagur 18.12.2001 - 18.12.2001 0:00

Klukkan 17.00 var ég í Viðskiptaháskólanum á Bifröst og tók fyrstu skóflustungu að nýju skólahúsnæði.

Sunnudagur 16.12.2001 - 16.12.2001 0:00

Klukkan 12.50 var ég í Silfri Egils og ræddi um bókina mína Í hita kalda stríðsins. Klukkan 17.00 fór ég á jólatónleika Kammersveitar Reykjavíkur í Áskirkju.

Laugardagur 15.12.2001 - 15.12.2001 0:00

Klukkan 17.00 sáum við kvikmyndina Ljós heimsins um Vigdísi Finnabogadóttur, þegar hún var frumsýnd í Smárabíói.

Föstudagur 14.12.2001 - 14.12.2001 0:00

Um klukkan 16.00 lauk alþingi störfum fyrir jólaleyfi. Klukkan 17.00 var ég í tónlistarhúsinu Ými og tók við nýrri bók, Hraustir menn, 75 ára sögu Karlakórs Reykjavíkur. Tókum klukkan 19.00 þátt í 30 ára afmæli Félags starfs- og námsráðgjafa, þar sem ég flutti ávarp.

Miðvikudagur 12.12.2001 - 12.12.2001 0:00

Klukkan 20.00 vorum við Hannes Hólmsteinn Gissurarson á Súfistanum og kynntum bækur okkar.

Þriðjudagur 11.12.2001 - 11.12.2001 0:00

Klukkan 16.00 tók ég þátt í því í Listaháskóla Íslands, þegar Halldór Hansen barnalæknir gaf skólanum tónlistarsafn sitt og ánafnaði honum húseign sína.

Sunnudagur 9.12.2001 - 9.12.2001 0:00

Rætt við mig í fréttum Stöðvar 2 um bók mína Í hita kalda stríðsins.

Laugardagur 8.12.2001 - 8.12.2001 0:00

Fjárlög fyrir árið 2002 samþykkt á alþingi.

Föstudagur 7.12.2001 - 7.12.2001 0:00

Klukkan 14.00 var ég í Langholtsskóla, þégar Juventus afhenti grunnskólanemum kennsluforritið Ævar.

Fimmtudagur 6.12.2001 - 6.12.2001 0:00

Klukkan 15.00 tók ég þátt í fundi um starfsmenntamál með Samstarfi og formönnnum starfsgreinaráð í Borgartúni 6. Klukkan 17.00 opnaði ég vefsíðu Félags áhugafólks um Downs-heilkenni í Listasafni Reykjavíkur í Hafnarhúsinu.

Þriðjudagur 4.12.2001 - 4.12.2001 0:00

Klukkan 11.00 tók ég þátt í því að kynna niðurstöður í PISA-rannsókn OECD á árangri 15 ára nemenda í 32 löndum í lestri, stærðfræði og náttúrufræði.

Mánudagur 3.12.2001 - 3.12.2001 0:00

Klukkan 10.00 fór ég í heimsókn í Íslenska erfðagreiningu og skoðaði meðal annars hið nýja hús, sem er að rísa í Vatnsmýrinni. Klukkan 16.00 var ég við afhendingu bjartsýnisverðlauna Ísal í Þjóðmenningarhúsinu.

Sunnudagur 2.12.2001 - 2.12.2001 0:00

Klukkan 20.30 flutti ég ræðu á aðventukvöldi í Lágafellskirkju.

Laugardagur 1.12.2001 - 1.12.2001 0:00

Klukkan 11.50 var ég í Þjóðmenningarhúsinu við fyrstu úthlutun úr Kristnihátíðarsjóði. Klukkan 13.00 var ég í Oddfellow-setrinu við Vonarstræti, þegar ritað var undir samning um land undir hátæknigarð á Urriðaholti. Klukkan 14.00 var ég í ráðhúsi Reykjavíkur og tók við Múrbrjótnum frá Landssamtökunum Þroskahjálp. Klukkan 16.00 var ég í hátíðarsal Háskóla Íslands, þar sem afhjúpuð var brjóstmynd af Hans G. Andersen sendiherra.

Fimmtudagur 29.11.2001 - 29.11.2001 0:00

Klukkan 16.00 var það kynnt í Þjóðmenningarhúsinu, að Listahátíð í Reykjavík hefði stofnað til samstarfs við Þjóðleikhúsið, Sinfóníuhljómsveit Íslands og Íslensku óperuna um flutning á Hollendingnum fljúgandi eftir Wagner. Klukkan 17.00 sótti ég 40 ára afmælishóf SÍNE í Norræna húsinu.

Mánudagur 26.11.2001 - 26.11.2001 0:00

Klukkan 11.00 fór ég í Hafrannsóknastofnun, þar sem Námsgagnastofnun og Rannsóknarráð Íslands kynntu nýtt námsefni í náttúrufræði. Klukkan 16.30 ritaði ég undir samning við Listaháskóla Íslands um fjárveitingar næstu þriggja ára.

Laugardagur 24.11.2001 - 24.11.2001 0:00

Klukkan 14.00 tók ég þátt í því að opna Lagnakerfamiðstöð Íslands á Keldnaholti. Fór síðan á þrjár myndlistarsýningar í Gerðarsafni í Kópavogi og skoðaði verk eftir Aðalheiði Valgeirsdóttur, Margréti Jóelsdóttur, Stephen Fairbairn og Hrafnhildi Sigurðardóttur.

Föstudagur 23.11.2001 - 23.11.2001 0:00

Klukkan 15.00 veitti ég Evrópumerkið við athöfn í Þjóðmenningarhúsinu, en það er veitt fyrir góð kennsluverkefni á sviði tungumáli, og að þessu sinni fengu það tveir kennarar í Menntaskólanum í Kópavigi fyrir dönskukennslu í tölvum. Klukkan 16.15 var ég í tónlistarhúsinu Ými og tók þátt í því, þegar Mentor opnaði fjölskylduvef til að auka samstarf heimila og skóla.

Fimmtudagur 22.11.2001 - 22.11.2001 0:00

Klukkan 10.30 var ég ræðu í Hótel Örk, Hveragerði, og flutti við upphaf ársfundar Náttúrufræðistofnunar Íslands um Náttúruminjasafn Íslands. Klukkan 12.00 var ég í Borgartúni 6 og flutti ávarp á ráðstefnu um æskulýðsmál. Klukkan 16.30 vorum við Jóhanna María í Reykholti í Borgarfirði og flutti ég ræðu á samstarfsfundi með skólameisturum framhaldsskólanna - komst ekki heim um kvöldmatarleytið, vegna þess hve hvasst var undir Hafnarfjalli, en það lægði síðar um kvöldið og vorum við komin til Reykjavíkur upp úr miðnætti.

Miðvikudagur 21.11.2001 - 21.11.2001 0:00

Svaraði fyrirspurn á alþingi um dreifbýlisstryki frá Drífu Snædal, varaþingmanni vinstri grænna.

Þriðjudagur 20.11.2001 - 20.11.2001 0:00

Kolbrún Halldórsdóttir kvartaði undan því við upphaf þingfundar, að ég hefði neitað að taka þátt í umræðum utan dagskrár, sem bað um.

Sunnudagur 18.11.2001 - 18.11.2001 0:00

Fórum klukkan 20.00 á tónleika Kammermúsikklúbbsins, þar sem þýskur kvarttett lék.

Laugardagur 17.11.2001 - 17.11.2001 0:00

Klukkan 14.00 flutti ég ræðu á málræktarþingi, sem var haldið í Hafnarfirði. Klukkan 19.00 fórum við og sáum Töfraflautuna í Íslensku óperunni.

Föstudagur 16.11.2001 - 16.11.2001 0:00

Dagur íslenskrar tungu. Klukkan 11.00 setti ég athöfn í Þjóðmenningarhúsinu, þar sem Davíð Oddssyni var afhent fyrsta eintak af margmiðlunardiskinum Alfræði íslenskrar tungu. Síðan héldum við á Akranes en rúmlega 12.30 var ég í Brekkubæjarskóla, þar sem opnuð var ný álma með góðri veislu, síðan fórum við í Grundarskóla, þar sem börnin minntust dagsins með skemmtilegri dagskrá. Þá var ekið í Andakílsskóla, þar sem þriggja manna móttökunefnd nemenda sýndi okkur skólann sinn. Loks heimsóttum við Kleppjárnsreykjaskóla og hittum nemendur við störf þeirra auk þess sem við sáum atriði úr söngleik, sem þeir eru að setja upp undir stjórn Flosa Ólafssonar. Klukkan 16.30 hófst hátíðardagskrá dags íslenskrar tungu í Reykholtskirkju og þar var Ingibjörg Haraldsdóttir sæmd verðlaunum Jónasar Hallgrímssonar en Námsflokkar Reykjavíkur og Félag framhaldsskólanema fengu viðurkenningu.

Fimmtudagur 15.11.2001 - 15.11.2001 0:00

Klukkan 14.00 tók ég þátt í blaðamannafundi í geymsluhúsnæði Þjóðminjasafns í Kópavogi, þar sem kynnt var samstarf safnsins og Landsvirkjunar. Klukkan 20.00 opnaði ég sýningu til minningar um Björgu C. Þorláksson í Þjóðarbókhlöðunni auk þess sem þar var kynnt bók Sigríðar Dúnu Kristmundsdóttur um Björgu.

Miðvikudagur 14.11.2001 - 14.11.2001 0:00

Klukkan 14.00 tók ég þátt í stofnfundi hlutafélags ríkis og sveitarfélaga um Landskerfi bókasafna, sem var haldinn á Grand hótel Reykjavík. Svaraði síðan tveimur fyrirspurnum á alþingi. Klukkan 17.15 var kynningarfundur á vegum Samtaka um vestræna samvinnu og Varðbergs á bók minni Í hita kalda stríðsins í Skálanum, Hótel Sögu. Sóttu um 80 manns fundinn en auk mín höfðu þeir Jakob F. Ásgeirsson, Albert Jónsson og Ásgeir Sverrisson framsögu á fundinum.

Þriðjudagur 13.11.2001 - 13.11.2001 0:00

Klukkan 13.15 setti ég ráðstefnu um tungutækni í Salnum í Kópavogi.

Mánudagur 12.11.2001 - 12.11.2001 0:00

Fór klukkan 20.00 á tónleika Kammersveitar Reykjavíkur í Listasafni Íslands, þar sem flutt var tónlist eftir Þorkel Sigurbjörnsson.

Sunnudagur 11.11.2001 - 11.11.2001 0:00

Klukkan 12.30 var ég í þættinum Silfur Egils með þeim Margréti Frímannsdóttur og Kolbrúnu Halldórsdóttur. Klukkan 20.00 vorum víð á Broadway við afhendingu Eddu-verðlaunanna.

Föstudagur 9.11.2001 - 9.11.2001 0:00

Klukkan 09.00 flutti ég setningarræðu við upphaf málþings um einelti, sem menntamálaráðuneytið hélt í Borgartúni 6. Klukkan 14.30 sótti ég fund hjá Samtökum sveitarfélaga á Vesturlandi á Akranesi og ræddi þar um menntamál. Klukkan 19.30 tók ég þátt í Kastljósi ríkissjónvarpsins með Margréti Vilhjálmsdóttur leikkonu og Ólafi H. Torfasyni, sem meðal annars er sérfróður um kvikmyndir. Klukkan 20.10 setti ég Kvikmyndahátíð í Reykjavík, sem að þessu sinni hófst í Laugarásbíói.

Fimmtudagur 8.11.2001 - 8.11.2001 0:00

Klukkan 13.00 flutti ég ræðu við upphaf þings vélstjóra. Klukkan 19.30 sótti ég kvikmyndartónleika í Háskólabíói, þar sem Sinfóníuhljómsveit Íslands lék tónlist eftir Sjostakóvitsj undir kvikmyndinni Beitiskipið Pótemkin eftir Eisenstein.

Miðvikudagur 7.11.2001 - 7.11.2001 0:00

Klukkan 13.30 voru umræður utan dagskrár á alþingi um málefni háskóla. Síðan svaraði ég þremur fyrirspurnum um virðisaukaskatt á bókum, menningarhús og samstarf við Microsoft.