Flaug kl. 14.00 til Akureyrar með Jóhönnu Maríu Eyjólfsdóttur og opnaði kl. 15.30 upplýsingadeild við Háskólann á Akureyri.

Klukkan 11.30, blaðamannafundur á vegum Rannsóknarráðs Íslands í Þjóðmenningarhúsinu, þar sem kynntar voru nýjar áherslur ráðsins við úthlutun styrkja.

Flugum heim frá Zurich um Kaupmannahöfn að loknum fundi menningarmálaráðherranna í Luzern.

Flugum um Kaupmannahöfn til Zurich og héldum þaðan til Luzern, þar sem ég sat fund menningarmálaráðherra frá 23 löndum, sem hittast undir merkjum International Network on Cultural Policy.

Klukkan 19.30 fórum við á hátíðartónleika Karlakórs Reykjavíkur í tilefni af 75 ára afmæli kórsins.

Klukkan 14.45 fór ég í Hlíðaskóla og tók þátt í kynningu Bændasamtaka Íslands á disknum Fróðleiksfúsi í sveitinni. Klukkan 17.00 fór ég í gallerí i8 þar sem Kristján Davíðsson opnaði sýningu.

Klukkan 13.30 tók ég þátt í kynningu Háskóla Íslands á þekkingarþorpi,

Klukkan 14.30 var ég í Menntaskólanum í Reykjavík og fylgdist með kynningu á nýjum kennslubókum og hugbúnaði í þýsku.

Klukkan 10.30 var ég í Hofsstaðaskóla í Garðabæ til að kynna mér nýjungar í tölvunotkun og kennslu. Klukkan 11.30 var ég í nýjum leikskóla í Ásahverfi í Garðabæ, sem rekin er af Margréti Pálu og í samræmi við stefnu hennar. Klukkan 12.15 flutti ég ræðu á fundi Rotary-klúbbs Garðabæjar og ræddi um öryggis- og varnarmál. Klukkan 20.00 fóum við á tónleika José Carreras í Laugardalshöll.

Klukkan 15.00 fór ég í Gerðarsafn í Kópavogi, þar sem Gísli Sigurðsson og Hjörleifur Sigurðsson opnuðu málverkasýningar. Klukkan 16.00 fór ég á Kjarvalsstaði, þar sem opnuð var sýning á verkum Kristjáns Guðmundssonar. Klukkan 20.00 fórum við Rut í Smíðaverkstæði Þjóðleikhússins á frumsýningu leikritsins Vilji Emmu.

Klukkan 11.30 rituðum við Geir H. Haarde fjármálaráðherra undir samning við Jón Ásbergsson, stjórnarformann Íslensku óperunnar, um stuðning við hana næstu 5 árin. Klukkan 13.30 flutti ég ávarp við upphaf 15 ára afmælisþings Stofnunar Sigurðar Nordals. Klukkan 20.00 sat ég með öðrum ráðherrum Sjálfstæðisflokksins fyrir svörum á SUS-þingi í félagsheimilinu á Seltjarnanesi.

Klukkan 11.00 hitti ég menntamálanefnd sænska þingsins, sem kom í menntamálaráðuneytið til að fræðast um íslensk skólamál. Klukkan 19.30 fórum við Rut á tónleika Sinfóníuhljómsveitar Íslands, þar sem flutt var bandarísk tónlist og gestir risu úr sætum til minningar um þá, sem fórust í árásinni.

Klukkan 07.30 var ég í samtali á rás 2 um árásina á Bandaríkin. Hitti í hádeginu vísindaráðherra frá Kanada en hann var kallaður heim seinna þennan sama dag vegna árásarinnar á Bandaríkin og send eftir honum flugvél. Klukkan 14.30 staðfesti ég samstarfssamning milli Landmælinga Íslands og Örnenfnastofnunar við athöfn í Þjóðmenningarhúsinu. Klukkan 19.30 tók ég þátt í Kastljósi í sjónvarpinu með Baldri Þórhallssyni lektor undir stjórn Gísla Marteins Baldurssonar og ræddum við árásina á Bandaríkin.

Klukkan 13.00 frétti ég af árásinni á Bandaríkin þegar ég heyri frétt í dagskrárrofi rásar 1 um að flugvél hafi rekist á annan tvíburaturnanna í New York. Klukkan 14.00 skrifa ég undir samning um stuðning menntamálaráðuneytisins við Hljóm, greiningartæki á leshömlun. Klukkan 16.00 opna ég Skólavefinn við athöfn í Þjóðmenningarhúsinu.

Klukkan 09.00 flutti ég ræðu við upphaf skólamálaþings í Reykjavík. Klukkan 11.30 var ég í Kringlunni í tilefni í kynningu vegna viku símenntunar. Klukkan 14.00 var ég á fjölmennu fjölþjóðamóti í Fjölbrautastkóla Suðurlands á Selfossi.

Klukkan 10.30 var ég í Fjölbrautaskólanum við 'Armúla og tók þátt í 20 ára afmælishátíð skólans. Klukkan 16.00 var ég á Hyrnutorgi í Borgarnesi og tók þátt í kynningu í tilefni af viku símenntunar.

Á hádegi fórum við Jóhanna María til Sauðárkróks, þar sem ég tók þátt í fundi um símenntun og ræddi um tölvur í daglegu starfi. Um kvöldið fór ég í bókasafnið í Reykjanesbæ og tók þar þátt í málþingi miðstöðvar um símenntun um tungumálanám.

Klukkan 13.15 flutti ég ræðu á málþingi í tilefni af viku símenntunar á Hótel Loftleiðum.

Setti viku símenntunar kl. 13.00 í Nýja tölvu- og viðskiptaskólanum í Hafnarfirði.

Ókum að Eiríksstöðum og hittum Sigurð Rúnar Friðjónsson og fengum góða leiðsögn um staðinn héldum síðan í Búðardal og skoðuðum gamalt pakkhús, sem ætlunin er að breyta menningarmiðstöð. Höfðum stutta viðdvöl í Reykholti í Borgarfirði og einnig í Listasafni Borgarfjarðar í Borgarnesi.

Fórum síðdegis til Stykkishólms og hittum þar norræna UNESCO-forystumenn.