Réttarmyndir
Réttað var í Fljótshlíðarrétt sunnudaginn 18. september 2022.
Áður en fé var smalað af fjalli í Fljótshlíðinni hafði töluverður fjöldi þess komið af sjálfsdáðum til byggða úr afréttinni. Á því er engin einhlít skýring. Ef til vill finnur sauðkindin á sér breytingu á Heklu sem jarðfræðingar telji að kunni að gjósa fyrr en síðar eða jarðskjálftar í Mýrdalsjökli hvetji hana til heimferðar.
Um árið fann forystukindin sem ég átti á sér að gosinu í Eyjafjallajökli var að ljúka og tók á stökk af heimatúninu til fjalla, lá henni svo mikið á að lömbin urðu eftir og varð að lyfta þeim yfir girðingar sem hindruðu ekki móður þeirra.
Hér eru nokkrar myndir úr Fljótshlíðarrétt sunnudaginn 18. september 2022:
Tvær listakonur við réttarvegginn: Hrafnhildur Inga listmálari á Sámsstaðabakka með nöfnu sína og Rut fiðlukeikari á Kvoslæk.
Jökullinn naut sín í veðurblíðunni.