Fór um níuleytið í viðtal við Lísu Pálsdóttur á Rás 2 vegna þáttar um Gunnar Eyjólfsson, sem var fluttur á páskadag. Síðdegis hitti ég ungar stúlkur í ráðuneytinu en þær höfðu komið með móður sinni, föður, afa eða ömmu, þar sem dagurinn var sérstakur hvatningardagur verkefnisins Auður í krafti kvenna.

Fór um níuleytið í viðtal við Lísu Pálsdóttur á Rás 2 vegna þáttar um Gunnar Eyjólfsson, sem var fluttur á páskadag. Síðdegis hitti ég ungar stúlkur í ráðuneytinu en þær höfðu komið með móður sinni, föður, afa eða ömmu í vinnuna, þar sem dagurinn var sérstakur hvatningardagur verkefnisins Auður í krafti kvenna.

Upp úr hádeginu flutti ég ræðu á ársfundi Rannsóknarráðs Íslands og sat fundinn allan daginn.

Auðveldasta leiðin til að komast aftur heim var að fara með kvöldflugi frá London en við lögðum snemma morguns af stað frá Portoroz og heimsóttum Svövu Bernharðsdóttur víóluleikara, eiginmann hennar Matej óbóleikara og dóttur þeirra Rannveigu Mörtu í Lublijana, nutum við mikillar gestrisni þeirra og góðrar leiðsagnar í skoðunarferð um þessa fallegu borg. Lentum í Keflavík rétt fyrir miðnætti.

Ráðherrafundinum lauk um hádegisbilið en að honum loknum var okkur boðið að kynnast menningararfleifð þessa héraðs Slóveníu og sáum meðal annars saltvinnslusafn og miðaldakirkju, sem er heimsfræg fyrir fresku, sem sýnir dauðadansinn.

Ráherrafundur á vegum Evrópuráðsins um menningararfleifðina stóð allan daginn.

Við Rut flugum ásamt Sveini Einarssyni frá París til Lublijana, höfuðborgar Slóveníu. Þar beið okkur bíll á vegum menningarmálaráðuneytisins, sem ók okkur í rúman einn og hálfan tíma til bæjarins Portoroz við Adríahaf.

Ráðherrafundi OECD lauk með hádegisverði. Klukkan 17.00 hitti ég Catherine Tasca, menningarmálaráðherra Frakka, í ráðuneyti hennar og ræddum við meðal annars fyrirhugaða íslenska menningardaga í París árið 2003.

Fundur menntamálaráðherra OECD-ríkjanna stóð allan daginn en í ræðu minni á ársfundi Rannskóknarráðs Íslands 9. apríl lýsti ég ýmsu, sem fram kom á fundinum. Sídegis efndu íslensku sendiherrahjónin í París til móttöku fyrir sendiherra hjá UENSCO í því skyni að kynna Svein Einarsson, frambjóðanda Íslands, til framkvæmdastjórnar UNESCO.

Klukkan 16.00 var efnt til ráðstefnu í höfuðstöðvum OECD um upplýsingatækni í skólastarfi. Þar flutti ég stutta lýsingu á því, sem er að gerast á þessu sviði hjá okkur og byggði hana á stefnu menntamálaráðuneytisins um dreifmenntun.

Sátum kvöldverð sendiherrahjónanna í París, Sigríðar Snævar og Kjartans Gunnarssonar, til heiðurs Régi Boyer, prófessor við Sorbonne-háskóla, sem er að láta af störfum vegna aldurs, en hann hefur kennt íslensku og þýtt mikið af íslenskum bókmenntum á frönsku.

Flugum kl. 07.45 til Parísar.

Klukkan 20.00 vorum við í Smáranum í Kópavogi, þar sem lið Menntaskólans í Reykjavík og Borgarholtsskóla kepptu til úrslita í Gettu betur og afhenti ég lði MR verðlaunin eftir geysiharða og spennandi keppni.

Klukkan 10.00 hófst fundur menntamálaráðuneytisins með skólameisturum framhaldsskólanna og flutti ég ræðu og svaraði fyrirpurnum í upphafi hans. Klukkan 15.00 fór ég í heimsókn í höfuðstöðvar KFUM og KFUK við Holtaveg og hitti forystusveit þessara ágætu félaga.

Klukkan 14.00 var fyrsti fundur í samstarfsnefnd um starfsmenntun í framhaldsskólum, 18 manna nefnd, sem er nú að hefja annað starfstímabil sitt. Tók ég þátt í upphafi fundarins og kynnti meðal annars nýjan formann nefndarinnar, Guðjón Petersen, fyrrverandi forstjóra Almannavarna ríkisins.

Sat fram yfir hádegi á norrænum menntamálaráðherrafundi í Kaupmannahöfn og flaug þaðan heim með kvöldvélinni. Seinkun frá Kastrup vegna bilunar í flugstjórnarratsjá og erfitt að komast frá borði í Keflavík, vegna þess að einn af nýju Schengen-rönunum lét ekki af stjórn.

Klukkan 16.10 flaug ég til Kaupmannahafnar á fund norræna menntamálaráðherra.

Klukkan 17.00 fórum við á tónleika Nýja tónlistarskólans í Langholtskirkju til minningar um Ragnar Björnsson.

Fórum kl. 16.00 í 50 ára afmælishátíð Tónlistarskólans í Hafnarfirði . Klukkan 20.00 fórum við og sáum Vitleysingana eftir Ólaf Hauk Simonarson í Hafnarfjarðarleikhúsinu,

Kl. 17.00 var ég fundarstjóri á aðalfundi Sparisjóðs Reykjavíkur og nágrennis á Hótel Loftleiðum.

Fórum í National Art Gallery, síðan átti ég fund með Janis Johnson öldungardeildarþingmanni og snæddi hádegisverð með henni og John Harvard, fulltrúardeildarþingnmanni. Hitti síðan forseta öldungadeildarinnar og heimsótti deildina. Héldum út á flugvöll kl. 14.45 og fórum um Boston heim, ferðin milli Boston og Keflavíkur tók 4.30 klst og var lent kl. 6.30 að morgni fimmtudags 22. mars.

Fórum í Museum of Civilisation kl. 10.00 og kynntum okkur, hvar víkingasýningin verður vorið 2001. Þar var nú verið að setja upp sýningu á fiskveiðum við Atlantshafsströnd Kanada. Skoðuðum einnig sögusýningu Kanada, sem hefst við styttuna af Guðriði Þorbjarnardótttur, sem Davíð Oddsson gaf fyrir ári. Um hádegið hitti ég Brian Tobin, iðnaðar- og rannsóknamálaráðherra, síðan Sheilu Cobbs menningarmálaráðherra, þá fór ég í neðri deild þingsins. Klukkan 20.30 hófst sýning Íslenska dansflokksins í National Arts Centre en að henni lokinni efndum við til lokahófs með flokknum og nokkrum kanadískum gestum.

Síðdegis héldum Jóhanna María Eyjólfsdóttir aðstoðarmaður minn til Ottawa um Boston, en við vorum aðeins 4.50 klst. til Boston og þaðan rúman einn tíma til Ottawa, en þar vorum við komin inn í bæ um 22.30 að staðartíma.

Klukkan 17.00 sótti ég tónleika Fílharmóníukórsins í Langholtskirkju, þar sem flutt var sálumessa eftir Mozart. Fórum klukkan 21.00 á uppgjör Gunnars Eyjólfssonar við Pétur Gaut, sem hann frumflutti á 75 ára afmæli sínu 24. febrúar. Fór Gunnar á kostum á ógleymanlegri sýningu.

Fórum klukkan 19.00 á frumsýningu á Blúndum og blásýru í Borgarleikhúsinu.

Klukkan 9.15 flutti ég ávarp á málþingi í Þjóðmenningarhúsinu um að gera söguna sýnilega í ferðamennsku. Klukkan 17.00 opnaði ég Gallerí i8 á Klapparstíg 33.

Klukkan 17.30 vorum við Rut í Hafnarborg og hlýddum á úrslitakeppni Hafnfirðinga og Álftanesinga í stóru upplestrarkeppninni.

Klukkan 19.00 var ég í stjórnmálaskóla Sjálfstæðisflokksins í Valhöll og ræddi um menntun og menningu á tímum hnattvæðingar við góðan hóp áhugasamra nemenda.

Var klukkan 13.30 í sjónvarpsþætti Egils Helgasonar, Silfri Egils, á Skjá einum. Laugardagur 10. mars 2001 Klukkan 9.30 var ég í Iðnskólanum í Hafnarfirði og ávarpaði ráðstefnu um samstarf starfsgreinaráða og skóla. Klukkan 10.00 var ég í bíósal Hótel Loftleiða og ávarpaði ráðstefnu ÍSÍ um fjármál íþróttahreyfingarinnar. Klukkan 15.00 tók ég þátt í pallborðsumræðum við lok ráðstefnunnar UT2001.

Þennan dag birtist eftir mig grein í Morgunblaðinu um frelsi notenda og rétt höfunda. Setti ráðstefnu menntamálaráðuneytisins UT2001 kl. 13.00 í Borgarholtsskóla. Klukkan 19.30 tók ég þátt í sjónvarpsþættinum Kastljósi með Þórunni Sveinbjarnardóttur alþingismanni og Þorfinni Ómarssyni, framkvæmdastjóra Kvikmyndasjóðs, undir stjórn Evu Maríu Jónsdóttur og Kristjáns Kristjánssonar.