Klukkan 13.00 hélt ég til Kaupmannahafnar og þaðan til ráðstefnumiðstöðvar skammt hjá Helsingör, þar sem ég var fram á sunnudaginn 27. maí og tók þátt í ráðstefnu um stjórnmál og öryggismál. Flutti ég ræðu um öryggismál Íslands.

Klukkan 13.00 sat ég ársfund Háskóla íslands og tók þátt í umræðum á honum. Klukkan 17.00 flutti ég ávarp í 40 ára afmælishófi Lánasjóðs íslenskra námsmanna.

Klukkan 20.00 setti ég 10. stuttmyndahátíðina í Háskólabíói.

Sat fund menningarmálaráðherra fram yfir hádegi en hélt þá aftur heimleiðis og kom heim í gegnum Kaupmannahöfn rúmlega níu um kvöldið.

Hélt kl. 07.40 til Stokkhólms og þaðan til Falun í Svíþjóð, þar sem haldinn var fundur menningarmálaráðherra ESB, evrópska efnahagssvæðisins og umsækjenda um aðild að ESB um menningarmál og kröfur um aðlögun til umsóknarríkjanna. Um kvöldið fórum við í Dalhalla, sem er útióperusvið í gamalli námu og hlýddum á tónleika þar - það var þó of kalt í veðri til að njóta þess sem skyldi.

Klukkan 11.00 hittumst við Ossur Skarphéðinsson til viðræðna í þættinum Í vikulokin á Rás 1 undir stjórn Þorfinns Ómarssonar. Alþingi lauk störfum klukkan tæplega aðfaranótt sunnudagsins 20. maí.

Klukkan 14.00 tók ég þátt í fjarfundi við skóla í Róm en hér í Reykjavík stjórnaði Thor Vilhjálmsson rithöfundur honum og fór á kostum í ræðu sinni.

Klukkan 16.00 var ég í Gunnarshúsi, höfuðstöðvum Rithöfundasambands Íslands, þegar skýrt var frá viðurkenningum ír Bókasafnssjóði höfunda.

Klukkan 10 kom alþingi saman og var þá tekið fyrir frumvarp til að binda enda á verkfall sjómanna. Klukkan 13.40 flaug ég til Egilsstaða og hélt þangað til Seyðisfjarðar á ráðstefnunan Menningarlandið, þar sem meðal annars var gengið frá samkomulagi menntamálaráðuneytisins við 16 sveitarfélög á Austurlandi um samstarf í menningarmálum. Er þetta fyrsta samkomulagið um þessi mál, sem nær til svo margra sveitarfélaga. Kom heim aftur kl. 21.30 og fór síðan niður á þing þar sem rúmlega 22.00 var greitt atvkæði um að vísa frumvarpinu vegna verkfalls sjómanna til nefndar.

Klukkan 13.00 fór ég á sýningu útskriftarnemenda í myndlist í Listaháskóla Íslands í húsnæði skólans í Laugarnesi. Klukkan 14.00 var ég í Norræna húsinu við afhendingu verðlauna á vegum IBBY til vegna barnabókmennta og ljóðagerðar ungs fólks. Klukkan 16.15 var ég á fundi með sjálfstæðismönnum í Kópavogi. Klukkan 17.00 var þingflokksfundur sjálfstæðismanna vegna laga til að binda enda á sex vikna sjómannaverkfall. Um kvöldið var Eurovision-keppnin þar sem íslenska lagið lenti í neðsta sæti með hinu norska.

Setti klukkan 10.00 málþing á vegum menntamálaráðuneytis um samræmd próf í framhaldsskólum. Klukkan 13.30 var umræða utan dagskrár á alþingi um hugmyndir mínar um breytingu á Rannsóknarráði Íslands. Klukkan 15.00 var ég í Þjóðmenningarhúsinu og flutti ávarp þegar Heimili og skóli veitti viðurkenningu fyrir foreldrastarf í skólum. Klukkan 16.00 var ég í Landspítala Íslands - háskólasjúkrahúsi, þegar rektor HÍ og forstjóri sjúkarhússins rituðu undir samstarfssamning og flutti ávarp.

Tók þátt í Silfri Egils með Steingrími J. Sigfússyni og Bryndísi Hlöðversdóttur um alþjóðavæðingu.

Klukkan 13.00 flutti ég ávarp í sal Endurmenntunarstofnunar Háskóla Íslands við upphaf viku tungumálamenntunar fullorðinna. Klukkan 17.00 vorum við Rut á Keflavíkurflugvelli til að fagna 50 ára afmæli varnarsamningsins.

Klukkan 14.00 hófst málþingi í Þjóðmenningarhúsinu á vegum utanríkisráðuneytisins í tilefni af 50 ára afmæli varnarsamningsins. Klukkan 20.30 tók ég þátt í fundi á vegum Kreml.is um alþjóðavæðingu.

Klukkan 10.00 hófst fundur ráðuneytisins með forstöðumönnum menningarstofnana að Hótel Sögu. Klukkan 14.00 var ég í bóksafninu í Reykjanesbæ og ritaði þar undir samning við fulltrúa ísralelska fyrirtækisins Exlibris um landskerfi bókasafna. Klukkan 20.00 var ég í Stöð 2, þar sem tekinn var upp samtal okkar Ragnars Arnalds í þætti Árna Snævars Eldlínunni, sem sýndur var síðar um kvöldið, en þar ræddum við um 50 ára afmæli varnarsamningsins.

Klukkan 14.30 fórum við í Ými, þar sem kynnt var fyrirhugað tónlistarstarf í húsinu á næsta vetri. Klukkan 16.00 opnaði ég víkingasýningu frá Jórvík í Byggðasafni Hafnarfjarðar.

Í dag eru 10 ár liðin frá því að Davíð Oddsson varð forsætisráðherra. Í tilefni af því var síðdegismóttaka honum og Ástríði konu hans til heiðurs í Þjóðmenningarhúsinu með þeim, sem hafa starfað með honum sem ráðherrar á þessum tíma. Um kvöldið var síðan hátíðarkvöldverður með þingflokki og miðstjórn Sjálfstæðisflokksins í Valhöll.

Fór klukkan 20.00 í Kristskirkju og hlýddi á frumflutning á Requiem eftir Symon Kuran.

Var klukkan 11.00 á Selfossi og tók fyrstu skóflustungu að viðbyggingu við hótelið á staðnum, en það verður framvegis einnig menningarhús, þegar salir þess hafa verið teknir í notkun.

Fór síðdegis og tók þátt í því með forráðamönnum Goethe Zentrum að opna nýtt aðsetur hennar að Laugavegi 18.

Sat kl. 11.00 blaðamannafund í Tæknigarði á vegum Rannsóknarráðs Íslands þar sem kynntar voru úthlutanir úr bygginga- og tækjakaupasjóði. Fór í hádeginu í Urð Verðandi Skuld og kynnti starfsmönnum tillögur um breytingar á rannsóknarráði og kynntist fyrirtæki þeirra.

Svaraði þremur fyrirspurnum á alþingi um menntamál.

Hádegisverðarfundur á vegum verkfræðinga og tæknifræðinga að Engjateigi 6, þar sem ég gerði grein fyrir tillögum um breytingar á Rannsóknarráð Íslands og tók þátt í gagnlegum umræðum. Um kvöldmatarleytið flutti ég framsögu fyrir sex frumvörpum á alþingi, sem öllum var vísað til meðferðar menntamálanefndar.

Alþingi kom saman eftir páskaleyfi - svaraði óundirbúinni fyrirspurn um starfsnám.

Fór og sá kvikmyndina 13 dagar um Kúbudeiluna og þótti hún vel gerð, þrátt fyrir að ekki sé í einu og öllu farið rétt með einstök atriði.

Klukkan 14.00 flutti ég ávarp við hátíðlega athöfn á vegum Háskóla Íslands og Árnastofnunar í tilefni af því, að 30 ár voru liðin frá heimkomu handritanna. Þá fékk ég einnig fyrsta eintak af glæsilegri bók, Konungsbók Eddukvæða. Klukkan 17.00 tók ég þátt í hátíðarfundi vegna 50 ára afmælis Sundsambands Íslands, sem efnt var til að Borgartúni 6.

Klukkan 14.00 var ég meðal ræðumanna á málþingi bókasafns- og upplýsingafræðinga um þekkingarstjórnun, en það var haldið í Háskóla Íslands á vegum skorarinnar í þessum fræðum og var stofa 101 í Odda þéttsetin.

Fyrir hádegi hitti ég nemendur í hagnýtri fjölmiðlun í Háskóla Íslands, sem komu í heimsókn í ráðuneytið. Klukkan 16.00 flutti ég ávarp í Þjóðarbókhlöðunni, þegar þar var opnuð sýning á þróun námsefnis á 20. öldinni. Klukkan 20.30 fórum við Rut í Þjóðmenningarhúsið og hlýddum á ljóðalestur á vegum Besta vinar ljóðsins í tilefni af því að ljóðahátíð í Viku bókarinnar var að hefjast. Var gamli lessalurinn þétt setinn.

Klukkan 11.00 var efnt til ríkisráðsfundar að Bessastöðum, þar sem Ingibjörg Pálmadóttir hætti sem heilbrigðis- og tyggingamálaráðherra en Jón Kristjánsson alþingismaður tók við af henni.

Var með almennan viðtalstíma fyrir og eftir hádegi þennan miðvikudag en venjulega hef ég slíkan tíma milli 10 og 12 á miðvikudagsmorgnum.