Í hádeginu heimsótti ég Listasafn Íslands og skoðaði ný húsakynni þess að Laufásvegi 12, sem gjörbreyta allri starfsaðstöðu safnsins til hins betra.

Klukkan 16.00 var athöfn í Þjóðarbókhlöðunni, þegar opnað var Sagnanetið, sagnaner. is, sem er einstakt samstarfsverkefni Landsbókasafns Íslands-Háskólabókasafns og Cornell-háskóla með aðild Árnastofnunar um að setja handrit og annað ritað mál íslenskt fram til 1800 inn á veraldarvefinn.

Fórum í Reykholt í Borgarfirði og kynntum okkur framkvæmdir við endurnýjun á gamla skólahúsinu þar, sem er að ljúka.

Kl. 18.00 tókum við Rut þátt í athöfn til minningar og heiðurs þeim, sem hinn 29. júní 1951 unnur sigur í Reykjavík í knattspyrnulandsleik við Svía og í frjálsum íþróttum í Osló í landskeppni við Norðmenn og Dani. Flutti ég ræðu í hófi af þessu tilefni.

Kl. 16.00 opnaði ég gagnagrunninn Ísmús við athöfn í Þjóðarbókhlöðuni en þar hafa Bjarki Sveinbjörnsson og félagar safnað miklum upplýsingum um íslenska músik fyrri tíma.

Kl. 13.30 var efnt til ríkisráðsfundar að Bessastöðum til að ljúka formlegri staðfestingu á lögum vorþingsins. Fréttamenn gátu sér þess til, að eitthvað meira væri á seyði, en það reyndist ekki á rökum reist.

Kl. 13.00 hófst brautskráning nemenda frá Háskóla Íslands í Laugardalshöll og var Bjarni Benedikt meðal þeirra sem luku BA-prófi í íslensku. Héldum við fjölmennt hóf að því tilefni síðdegis og fórum beint úr því í Listasafn Reykjavíkur í Hafnarhúsinu, þar sem verið var að opna sýningu á verkum Erró.

Fór kl. 16.00 í Háskóla íslands, þar sem sálfræðiskor fagnaði 30 ára afmæli.

Þingflokkur sjálfstæðismanna kom saman í Valhöll klukkan 15.00. Höfðu hina einkennilegustu umræður farið fram í tilefni af þessum fundi og andstæðingar flokksins meðal annars getið sér þess til, að hann væri haldinn til að Davíð Oddsson hæti boðað afsögn sína sem forsætisráðherra. Einnig hafði ég heyrt, að ég myndi segja af mér til að verða sendiherra Íslands í Washington. Er undarlegt, hvernig sögur af þessu tagi komast á kreik.

Klukkan 7.30 var ég í morgunþætti Rásar 2 og ræddi meðal annars um tillögur um íþrótta- og ólympíumiðstöð á Laugarvatni. Klukkan 13.30 tilkynnti Rannís um úthlutun styrkja til umhverfis- og upplýsingatækniverkefna við athöfn í Þjóðmenningarhúsinu. Í framhaldi af henni rituðum við Páll Skúlason háskólarektor undir samning um samstarf á sviði tungutækni. Um kvöldið fórum við í Fella- og Hólakirkju, þar sem opnuð var sýning á listilegum kirkjumunum og skreytingum.

Klukkan 9.00 vorum við Odda, hús Háskóla Íslands, þar sem afhjúpuð var höfuðmynd af dr. Björgu C. Þorláksson. Klukkan 10.30 vorum við á Austurvelli og hlýddum á ræðu forsætisráðherra og fjallkonuna flytja frumsamið ljóð Matthíasar Johannessens, síðan fórum við í messu. Klukkan 12.00 var 90 ára afmælis Háskóla Íslands minnst í sal alþingis og var ég þar meðal ræðumanna.

Klukkan 14.00 opnaði ég sýninguna Skáldað í tré í Ljósafosstöðinni við Sogn.

Flugum heim frá Osló um hádegið.

Síðdegis ég sýningu íslenskra opnaði myndlistarmanna í Henie Onstad- safninu í Osló.

Flugum til Osló klukkan 7.35 en síðdegis tók ég þátt í því með norska menningarmálaráðherranum, Ellen Horn, að opna norsk-íslenska menningardaga í Akershus-kastala í Osló.

Klukkan 16.00 var í fyrsta sinn úthlutað úr Menningarborgarsjóði við hátíðlega athöfn í Kornhlöðunni.

Klukkan 14.00 var ég við slit Kennaraháskóla Íslands og flutti þar ávarp.

Klukkan 14.00 var ég við slit Fjölbrautaskólans í Breiðholti á 25 ára afmæli skólans.

Fundur menningarmálaráðherra Norðurlandanna fór fram í Helsinki en ég hélt þaðan um kl. 18.00 að finnskum tíma til Kaupmannahafnar og var kominn heim til mín kl. 22.00 ísl. tími.

Klukkan 13.00 flaug ég til Helsinki um Kaupmannahöfn til að taka þátt í fundi menningarmálaráðherra Norðurlandanna.

Klukkan 15.30 var ég í Kennaraháskóla Íslands og tók þátt í að heiðra þrjá skólamenn vegna framlags þeirra til að efla raungreinakennslu, en Hagsmunafélag þeirra, sem starfa á sviði verkfræði og tækni standa að verðlaununum. Klukkan 17.00 tók ég þátt í kynningarfundi á Nýsköpunarsjóði námsmanna, sem haldinn var í hátíðarsal Háskóla Íslands.

Fórum um kvöldið á lokatónleika Kirkjulistarhátíðar í Hallgrímskirkju og hlýddum á Mótettukórinn.

Fórum kvöldið til Hveragerðis og hlýddum á tónleika þar á hátíðinni Bjartar sumarnætur

Sat fund norrænu menntamálaráðherranna til klukkan 16.30, þegar haldið var út á flugvöll og síðan heim í gegnum Kaupmannahöfn.

Flugum til Kaupmannahafnar og Rut hélt heim en ég fór til Helsinki vegna fundar menntamálaráðherra Norðurlandanna.

Fylgdumst með leikunum í San Marínó og sóttum um kvöldið tónleika til heiðurs Verdi.

Fyrir hádegi hittust íþróttamálaráðherrar smáþjóðanna og ræddu sameiginleg málefni. Síðdegis fylgdumst við með góðri framhöngu íslensku íþróttamannanna.

Klukkan 11.00 var opnuð sýning á list frá þátttökuþjóðum smáþjóðaleikana í listasafni í San Marínó, en af Íslands hálfu hafði farandsýningin um Halldór Laxness verið sett upp í safninu. Klukkan 20.00 voru leikarnir settir við hátíðlega tveggja tíma athöfn í veðurblíðu og hita.

Klukkan 14.00 héldum við Rut frá Kaupmannahöfn til Bologna á Ítalíu og þaðan ókum við í rúman klukkutíma, þar til við komum til San Marínó vegna smáþjóðaleikana í íþróttum.

Fyrir hádegi efndu íþróttamálaráðherra þátttökuríkja í smáþjóðaleikunum til fundar. Síðdegis fylgdumst við með framgöngu íslensku íþróttamannanna í hinum ýmsu greinum.