Svaraði fyrirspurn á alþingi um útboð á kennsluþætti í Áslandsskóla í Hafnarfirði en 6. mars heimilaði ég bæjarstjórn Hafnarfjarðar að ganga til útboðsins. Klukkan 15.00 tók ég við alþingishúsið á móti mótmælalistum netverja vegna reglugerðar um gjald fyrir stafrænar upptökur.

Var í Fjölbrautaskóla Vesturlands á Akranesi kl. 13.10 og opnaði tvær vefsíður, annars vegar í gerð nemenda um Eiríkssögu og Grænlendingasögu hins vegar þjónustuvef fyrir kennara, kennari.is. Breytti reglugerð um höfundagjald fyrir stafrænar upptökur - bauð netverjum að afhenda mér mótmælalista, áður en tilkynnt yrði um breytinguna en þeir þáðu ekki boðið.

Efndi til funda síðdegis með fulltrúum innflytjenda tölvubúnaðar, netverja og höfundaréttarhafa um reglugerð vegna höfundagjalda fyrir stafrænar afritanir á eintökum til einkanota.

Fórum í Listasafn Íslands kl., 16.00, þar sem franski sendiherrann opnaði sýninguna Náttúrusýnir. Fórum kl. 20.00 í Hafnarborg og hlýddum á Tríó Reykjavíkur.

Komum heim úr skíðaferð frá Verona með millilendingu í Glasgow til að taka eldsneyti.

Fórum í skíðaferð og flugum til Verona.

Fór með embættismönnum ráðuneytisins til Egilsstaða, þar sem ég ritaði undir afsal vegna sölu ríkisins á Eiðum til sveitarfélagsins. Einnig ritaði ég undir samning við Hússtjórnarskólann á Hallormsstað. Héldum síðan í hríðarveðri yfir Fjarðarheiði til Seyðisfjarðar, þar sem fulltrúar bæjarstjórnar tóku á móti okkur, sýndu grunnskólann, íþróttaaðstöðu og síðan efndum við til fundar í menningarmiðstöðinni Skaftfelli, þar sem kynnt var stefna bæjarfélagsins, einkum varðandi nýtingu gamalla húsa og skoðuðum við að lokum nokkur þeirra. Komum heim um kvöldmatarleytið.

Svaraði fyrirspurn á alþingi um rétt manna til að kalla sig viðskiptafræðinga.

Klukkan 13.30 ritaði ég undir samning við Fjölís um ljósritun gagna.

Fór klukkan 10.00 á fund í finnska menntamálaráðuneytinu, þar sem ég ræddi við sérfræðinga um stefnu Finna í vísindum og rannsóknum. Klukkan 13.00 hófst fundur íþróttamálaráðherra Norðurlandanna, Eystrasaltsríkjanna og Rússlands um baráttuna gegn ólöglegri lyfjanotkun íþróttamanna. Fór heim á leið kl. 17.50 um Kaupmannahöfn og var lentur þar um 22.20.

Flaug kl. 07.45 um Stokkhólm til Helsinki.

Fórum kl. 19.00 og sáum La Bohéme í íslensku óperunni.

Klukkan 18.00 vorum við í Bláa lóninu og tókum þátt í árhátíð laganema við Háskóla Íslands.

Klukkan 15.30 var athöfn í Þjóðmenningarhúsinu, þar sem kynnt var ný bók um forvarnir gegn fíkniefnum frá Fræðslumiðstöð í fíknivörnum með góðum stuðningi Odfellow-reglunnar. Klukkan 17.00 vorum við Rut í MR í tilefni af því að nýjar kennslustofur fyrir raungreinar í Elisabetarhúsi voru formlega teknar í notkun. Klukkan 18.00 vorum við á Rex, þar sem ég opnaði söguvef Heimdallar.

Ég svaraði fyrirspurn á alþingi um framhaldsskóladeild í Stykkishólmi.

Eftir óundirbúnar fyrirspurnir á alþingi, þar sem ég var spurður um aðgang nemenda að úrlausunum á samræmdum prófum, var efnt til umræðu utan dagskrár um nýmæli í rekstri grunnskóla í Hafnarfirði og síðan urðu langar umræður í tilefni af frumvarpi frá mér um að leggja framkvæmdasjóð Ríkisútvarpsins niður. Ég bendi á, að unnt er að lesa allar þessar umrææður á vefsíðu alþingis og einnig á síðu menntamálaráðuneytisins,

Setti klukkan 13.00 fyrsta Íslandsmótið í samkvæmisdönsum í Laugardalshöll. Fór í Listaháskóla Íslands og skoðaði sýningu á hönnunarverkum. Skoðaði ljósmyndasýninguna í Gerðarsafni í Kópavogi. Laugardagur 10. febrúar 2001 Fór til Reykjanesbæjar og flutti ávarp við upphaf 55. ársþings Knattspyrnusambands Íslands í Ránni. Klukkan 15.00 fór ég í Hafnarborg í Hafnarfirði og skoðaði yfirlitssýningu á verkum Sveins Björnssonar. Einnig skoðaði ég sýningu Rutar Rebekku.

Alþingi kom saman eftir tveggja vikna hlé og í upphafi fundar var kvartað undan bréfi forseta alþingis til forseta hæstaréttar. Klukkan 16.00 setti ég evrópskt tungumálaár við hátíðlega athöfn í Þjóðmenningarhúsinu. Klukkan 21.00 fór ég Kaffileikhúsið og sá Háaloft í flutningi Völu Þórsdóttur, sem einnig samdi verkið.

Meðal þeirra, sem komu til mín í viðtal þennan dag voru fulltrúar Bandalags sjálfstæðra leikhópa og ræddum við fjárstuðning ríkisins við þessa hópa.

Klukkan 20.00 var ég á tónleikum Kammersveitar Reykjavíkur, þegar Myrkir músikdagar hófust í Listasafni Íslands með tónlist eftir Leif Þórarinsson.

Kom frá Akureyri kl. 10.30. Var klukkan 14.00 í Þjóðarbókhlöðu, þegar sýning á brúðum Sigríðar Kjaran var opnuð á vegum Þjóðminjasafns, en Sigríður hefur gefið safninu 10 brúður. Fór á sýninguna Gullpenslarnir á Kjarvalsstöðum.

Klukkan 10.00 setti ég Framadaga í anddyri Háskólabíós en þar kynntu tæplega 40 fyrirtæki háskólanemum starfsemi sína með það fyrir augum að finna framtíðarstarfsmenn. Strax við upphaf kynningarinnar var fjöldi manns kominn á svæðið, en það eru viðskiptafræðinemar, sem hafa frumkvæði að þessu góða framtaki. Klukkan 17.00 flaug ég til Akureyrar og var þar klukkan 20.00 á frumsýningu Sniglaveislunnar eftir Ólaf Jóhann Ólafsson með Gunnar Eyjólfsson í aðalhlutverki.

Klukkan 16.00 voru íslensku bókmenntaverðlaunin afhent á Bessastöðum, þeim Guðmundi Ólafssyni og Gyrði Elíassyni. Klukkan 19.30 fórum við á tónleika Sinfóníuhljómsveitar Íslands, þar sem fjórir útskriftarnemendur Tónlistarskólans í Reykjavík léku einleik.

Klukkan 17.00 tók ég þátt í að opna Baugsskólann að Skútuvogi 6 í Reykjavík en hlutverk hans er að mennta starfsmenn Baugs samkvæmt námskrá, sem fyrirtækið hefur gert.

Klukkan 14.00 fórum við Jóhanna María aðstoðarmaður minn í heimsókn í Nýja tðlvu- og viðskiptaskólann (NTV) í Kópavogi og Hafnarfirði.

Síðdegis voru þrír góðir starfsmenn á skrifstofu Sjálfstæðisflokksins í Valhöll kvaddir við hátíðlega athöfn. Már Jóhannsson hafði starfað lengst þeirra eða í 56 ár.

Fórum á frumsýningu á verkinu Já, hamingjan eftir Kristján Þórð Hrafnsson á Litla sviði Þjóðleikhússins.

Fór að Bifröst og ritaði þar undir þriggja ára samning um kennslu í viðskiptaháskólanum og tók þátt í málþingi um framtíð skólans. Á leiðinni hafði ég viðdvöl í Reykholti og skoðaði umbætur á gamla skólahúsinu þar.

Þingfundur allan daginn og upp úr miðnætti kom öryrkjafrumvarpið til lokaafgreiðslu.

Umræður voru um öryrkjamál á alþingi fram á kvöld og málinu vísað til 3ju umræðu.