Þriðjudagur 2.3.1999

Klukkan 16.00 boðaði ég svokallaða stefnumótunarnefnd vegna námskrárgerðar til fundar í ráðuneytinu. Sigríður Anna Þórðardóttir hefur verið formaður hennar. Nefndin fór yfir álitamál vegna námskrárvinnunnar á upphafsstigum hennar og gerði tillögur til mín. Tilefni fundarins að þessu sinni var að skýra nefndinni frá stöðu mála og ljúka formlega störfum hennar, þar sem útgáfuferli námskránna er hafið. Var á fundinum staðfest hin víðtæka sátt sem er um allar meginákvarðanir í námskrárgerðinni.