Síðdegis tók ég þátt í umræðum um fjölmiðlaskýrsluna á alþingi.

Klukkan 14.00 flutti ég ávarp við upphaf prestastefnu í Grafarvogskirkju.

Eftir setningu prestastefnu fór ég að vinna með Sigmundi Erni sjónvarpsmanni á Skjá 1 að gerð þáttarins Maður og mann en hann verður sýndur sunnudaginn 2. maí. Voru atriði utan myndvers tekin þetta síðdegi.

Klukkan 10.30 hittumst við ráðherra Sjálfstæðisflokksins í stjórnarráðshúsinu og ræddum fjölmiðlafrumvarpið.

Klukkan 11.30 kom ríkisstjórnin saman til fundar um fjölmiðlafrumvarpið og lauk fundinum um klukkan 12.00.

Fór klukkan 10.00 í Valsheimilið og tók þátt í alþjóðlega qi gong deginum undir leiðsögn Gunnars Eyjólfssonar.

(Ég hafði lofað að vera í Vestmannaeyjum þennan dag vegna málþings yfirlögregluþjóna en vegna fyrirhugaðs ríkisstjórnarfundar um fjölmiðlafrumvarp varð ég að aflýsa förinni þangað, auk þess var ekki flogið þennan dag til Eyja.)

Fór klukkan 17.00 á fund Varðar um jafnréttismál, sem haldinn var í Valhöll.

Fór um kvöldið í Iðnó og fylgdist þar með því, hve glæsilega Pálína Jónsdóttir leikkona flutti á ensku leikrit eftir Elísabetu Jökulsdóttur.

Fór klukkan 20.00 í Kristskirkju, þar sem flutt var dagskráin Líkfylgd Jóns Arasonar í tali og tónum.

Þingvallanefnd kom saman til fundar klukkan 10.00 með helstu starfsmönnum sínum og sérfræðingum til að ræða stefnumótun til næstu 20 ára, en unnið hefur verið að henni undanfarna mánuði.

Klukkan 10.30 var umræðna utan dagskrár á alþingi vegna álits kærunefndar jafnréttismála á skipan hæstaréttardómara. Jóhanna Sigurðardóttir hóf umræðuna með dæmalausum og innihaldslausum fúkyrðum. Einkennilegust var ræða Gunnars Örlygssonar þingmanns Frjálslynda flokksins, sem virtist telja, að með vísan til álits kærunefndarinnar ætti ég að fara í fangelsi eins og hann mátti sæta vegna lögbrota sinna. Er líklega einsdæmi, að ræða af þessum toga hafi verið flutt á alþingi.

Að loknum umræðunum flutti ég framsöguræður fyrir þremur málum.

Heimsótti í hádeginu heilsgæslustöð Hlíðanna við Drápuhlíð og fræddist um starfsemi hennar.

Var klukkan 14.00 í þætti Ingva Hrafns Jónssonar á útvarpi Sögu og ræddum við einkum jafnréttismál.

Fór klukkan 16.00 í Öskju, hið nýja náttúrufræðahús Háskóla Íslands, þegar það var formlega opnað.

Fór síðdegis til Hellu og tók þar þátt í fundi almannavarnaráðs með almannavarnanefnd Rangárvallasýslu.

Klukkan 19.00 var ég í þættinum Íslandi í dag á Stöð 2 og ræddi jafnréttismál og skipun hæstaréttardómara.

Klukkan 19.30 var ég í Kastljósi sjónvarpsins og ræddi sama mál og á Stöð 2.

Ræddi fyrir hádegi í síma við Kristófer, sem annast síðdegisþáttinn á Bylgjunni um jafnréttismál og fleira.

Fór síðdegis í Munaðarnes og ávarpaði þing Landssambands lögreglumanna.

Það vakti sérstaka athygli mína í fréttaflutningi páskahelgarinnar, þegar ég fór yfir hana, hve Baugsmiðlunum er orðið uppsigað við mig. Þeir líta greinilega á vefsíðu mína sem sérstaka ögrun við sig fyrir utan að gera lítið úr mér og skoðunum mínum.

Sneri aftur til Reykjavíkur með viðdvöl að Keldum, þar sem ég tók þátt í páskamessu.

Þótt þetta væri föstudagurinn langi var ekki stundlegur friður fyrir Rut að svara fjölmiðlamönnum, sem vildu ræða við mig um álit kærunefndar. Hún sagði þeim, að ég væri utan bæjar.

Flutti síðdegis erindi í stjórnunarnámi Lögregluskóla ríkisins og svaraði fyrirspurnum um ný viðhorf í löggæslu - og öryggismálum. Var þetta tveggja tíma törn og var skemmtilegt að fá tækifæri til að taka þátt í lokasennu þessa námskeiðs, sem er hið fyrsta sinnar tegundar.

Um kvöldmatarleyti hélt ég austur í Fljótshlíð til að vera þar í páskaleyfinu.

Í upphafi þingfundar gaf ég yfirlýsingu um, að ríkisstjórnin hefði þá um morguninn samþykkt tillögu mína um að endurskoða ákvæði almennra hegningalaga um reynslulausn.

Þennan dag birtist álit kærunefndar jafnréttisráðs um skipan mína á Ólafi Berki Þorvaldssyni í embætti hæstaréttardómara og mótmælti ég því strax í samtölum við fjölmiðla.

Tók þátt í þingumræðum síðdegis um frumvarp forsætisráðherra um þjóðgarðinn á Þingvöllum.

Sat borgarstjórnarfund frá klukkan 14.00 fram á kvöld.

Svaraði fjórum fyrirspurnum á alþingi.

Sat ráðherrafund Schengen-ríkjanna  í Brussel og hélt heim um Kaupmannahöfn um kvöldið.

Hélt upp úr hádeginu til Brussel um Kaupmannahöfn.

Fór síðdegis á tónleika Mótettukórsins í Hallgrímskirkju, þar sem flutt var tónlíst helguð boðunardegi Maríu.

Klukkan 11.00 rituðum við samgönguráðherra undir samning um vaktstöð siglinga.

Klukkan 15.00 flutti ég ávarp, þegar Björgunarmiðstöðin Skógarhíð var formlega opnuð.

Tók þátt í fundi um viðhorf í garð Bandaríkjanna á vegum bandaríska sendiráðsins með starfsmönnum bandarískra sendiráða við Eystrasalt milli 10.00 og 11.00 á hótel Sögu.

Klukkan 11.30 kynnti ég skipulagsbreytingar í dóms- og kirkjumálaráðuneytinu á fundi með starfsmönnum þess.

Klukkan 19.30 sótti ég kvikmyndasýningu og fund á vegum SUS í Valhöll og ræddi um bandarískar forsetakosningar.

Sótti klukkan 20.00 fjölmennan félagsfund sjálfstæðismanna á Seltjarnarnesi og ræddi þar um stjórnmál, einkum sérsveitar- og lögrerglumál auk þess sem áhugi var á stöðu forseta Íslands.

Flutti síðdegis framsöguræðu á alþingi við fyrstu umræðu um frumvarp mitt um breytingu á útlendingalögunum.

Klukkan 11.00 flutti ég hugvekju við messu í Seltjarnarneskirkju.

Klukkan 18.00 var ég í Silfri Egils með Össuri Skarphéðinssyni.

Klukkan 20.00 var ég á glæsilegum tónleikum Kammersveitar Reykjavíkur í Langholtskirkju.

Fór í hádegisverðarboð um borð í togaranum Vilhelm Þorsteinssyni við Vesturbakka í Sundahöfn en þangað var mér boðið með starfsmönnum Landhelgisgæslunnar til að fagna björgun Baldvins Þorsteinssonar. Þorsteinn Már Baldvinsson, forstjóri Samherja, stóð myndarlega að þessu boði eins og hann og menn hans stóðu einstaklega vel og skipulega að björgun Baldvins. Gæslumennirnir sögðu það hafa verið einstæða og skemmtilega reynslu að vinna að þessari björgun með Þorsteini og mönnum hans.

Klukkan 18.30 var ég á opnum fundi með utanríkismálanefnd SUS til að ræða framboð Íslands til öryggisráðs Sameinuðu þjóðanna.

Tók klukkan 10.30 þátt í umræðum utan dagskrár á alþingi um stöðu héraðsdómstólanna. Ég varð mest undrandi á ræðu Jónínu Bjartmarz, sem taldi stöðugt hafa sigið á ógæfuhliðina fyrir dómstólana síðan dómstólaráð kom til sögunnar. Andmælti því harðlega, að dómstólarnir væru ósjálfstæðir.

Sat borgarstjórnarfund klukkan 14.00.

Fór í Laugarásbíó klukkan 20.00 á forsýningu á Passion, píslaröngu Krists, eftir Mel Gibson. Þótti mikið til myndarinnar koma.