35. landsfundur sjálfstæðismanna hófst klukkan 17.30 í Laugaradalshöll með söng Hamrahliðarkórsins og ræðu Davíðs Oddssonar.

Var fundarstjóri á aðalfundi SPRON klukkan 17.00 til 21. 20 , þar sem tveir listar voru boðnir fram í stjórnarkjöri og milli 5 og 600 manns sátu fundinn.

Fundir þingmanna Evrópusambandsins og utanríkismálanefndar héldu áfram fram yfir hádegi, flaug síðdegis frá Brussel og heim um kvöldið frá Kaupmannahöfn.

Sat með fulltrúum úr utanríkismálanefnd alþingis fundi um Evrópumál í íslenska sendiráðinu í Brussel og með þingmönnum Evrópusambandsins.

Flaug um morguninn um Kaupmannahöfn til Brussel.

Klukkan 17.00 var haldinn fundur í utanríkismálanefnd til að ræða um málefni Íraks og innrásina þangað, þar sem stjórnarandstaðan taldi skorta samráð við sig.

Eftir fundinn renndi ég inn í Árbæ, þar sem sjáfstæðisfélagið var með árlegt vorhóf sitt.

Var klukkan 07.00 í RÚV og sat í klukkutíma á Morgunvaktinni með Óðni Jónssyni og ræddi um stríðið í Írak, sem hófst þá um nóttina.

Í hádeginu var ég á fundi með nemendum og kennurum í Háskólanum í Reykjavík og ræddi stríðið í Írak.

Klukkan 14.00 var borgarstjórnarfundur, þar sem borgarstjóri hafði mestar áhyggjur af því, að ég notaði orðaði silkihúfu í gagnrýni minni á ráðningu framkvæmdastjóra miðborgarinnar.

Var um morguninn í Ísland í bítið með Ögmundi Jónassyni og ræddum við um málefni Íraks og líkur á stríði þar.

Síðdegis funduðum við frambjóðendur Sjálfstæðisflokksins í Reykjavík.

Allan daginn sátum við frambjóðendur Sjálfstæðisflokksins úr öllum kjördæmum á fundi í Valhöll og ræddum kosningarnar, málefni og baráttuna framundan.

Fór klukkan 13.00 og var við fyrstu skóflustungu á 101 Skuggahverfi á Eimskipafélagsreitnum við Skúlagötu.Klukkan 14.00 fór ég í Þjóðarbókhlöðuna og hlustaði á erindi á málþingi um Veru Hertzsch.Um kvöldið snæddi þingflokkur sjálfstæðismanna saman í Valhöll á Þingvöllum.

Síðasti dagur 128. löggjafarþingsins og sátum við á fundum fram undir klukkan 04.00 aðfaranótt laugardags.

Klukkan 17.15 efndi Varðberg til fundar um varnarmál Íslands að Hótel Sögu, þar sem við Halldór Ásgrímsson og Þórunn Sveinbjarnardóttir vorum ræðumenn. Var fundurinn mjög vel sóttur.

Ókum til Reykjavíkur síðdegis, vissum að Hellisheiði var lokuð vegna fjöldaáreksturs þar, fórum því Þrengslin, en þar gekk á með dimmum éljum.

Vorum austur í Fljótshlíð og fékk ég traktorinn endurgerðan Massey Ferguson, árgerð 1966, enduruppgerðan heim á á hlað. Veðrið var einstaklega fallegt.

Flaug klukkan 11.15 til Egilsstaða og ók þaðan með Arnbjörgu Sveinsdóttur þingmanni á Seyðisfjörð, þar sem við efndum til stjórnmálafundar og var Hilmar Gunnlaugsson lögmaður frummælandi með okkur. Var gaman að koma á Seyðisfjörð en þar finnst hvorki grútarlykt lengur né sést reykur af bræðslu eins og var þegar ég var þar í síldarbræðslu fyrir meira en 30 árum. Tækninni hefur fleygt fram á þessu sviði eins og öðrum.

Lenti á Reykjavíkurflugvelli rétt um klukkan 19.00.

Fór um kvöldmatarleytið  og var viðstaddur, þegar vöruhótel Einmskips  í Sundahöfn var opnað með formlegum hætti að viðstöddu miklu fjölmenni.

Flutti í hádeginu ræðu um rafræna kosningabaráttu á fundi Skýrslutæknifélags Íslands. Upphaflega var boðað, að Ingibjörg Sólrún yrði þar einnig ræðumaður en hún kom ekki heldur sendi Björgvin Sigurðsson varaþingmann í sinn stað.

Við Rut fórum um kvöldið á fyrrihluta sinfóníutónleika í Háskólabíói.

Var fyrir hádegi Í vikulokunum með Össuri Skarphéðinssyni undir stjórn Þorfinns Ómarssonar á rás 1.

Við Rut fórum uppúr hádeginu austur í Fljótshlíð og var það fyrsta ferð hennar þangað eftir að hún datt og braut sig. Fórum á þorrablót um kvöldið og skemmtum okkur vel.

Á borgarstjórnarfundi síðdegis var rætt um skuldasvar borgarstjóra og er  meginefni ræðu minnar hér á síðunni. Á fundinum komst Þórólfur Árnason í mótsögn við sjálfan sig, þegar hann svaraði spurningum Kjartans Magnússonar um afskipti sín eða afskiptaleysi af fargjaldahækkun Strætó bs.

Sagt er frá þessu í Morgunblaðinu en í Fréttablaðinu er leitast við að gera hlut Þórólfs sem bestan á kostnað þeirra Kjartans og Guðlaugs Þórs Þórðarsonar. Er augljóst af Fréttablaðinu, að þar hafa stjórnendur ákveðið að rétta hlut Þórólfs eins og frekast er kostur, þegar hann lendir í klandri á borgarstjórnarfundum vegna vanhugsaðra yfirlýsinga.  Er óvenjulegt að sjá þannig staðið að málum í íslensu dagblað og minnir aðeins á viðleitni gömlu flokksblaðanna til að gera hlut síns manns sem bestan, þegar um augljós axarsköft var að ræða.

Hannes Hólmsteinn Gissurarson hélt upp á 50 ára afmæli sitt með glæsibrag.

Fór um kvöldmatarleytið í Ísland í dag til að ræða þar við Þórólf Árnason borgarstjóra um skuldastöðu Reykjavíkurborgar. Í svarinu birtist ótvíræð viðurkenning á því, að  skuldir Reykvíkinga hafa vaxið um mörg hundruð prósent undir stjórn R-listans, sem hafði að meginstefnu árið 1994 að létta öllum skuldum af Reykjavíkurborg.

Var í Íslandi í bítið með Össuri Skarphéðinssyni og ræddum við um niðurstöður skoðanakönnunar, sem sýndi meirhluta gegn ESB-aðild. Sérstaka athygli vakti, að Össur sagði það ráðast af afstöðu Sjálfstæðisflokksins, hvort Ísland gengi til viðræðna við ESB eða ekki. Hafði hann því enn breytt um skoðun á því, hvernig ætti að nálgast þetta viðfangsefni.

Fór síðdegis á fund Vísindanefndar Sjálfstæðisflokksins, þar sem lögð var lokahönd á tillögu til ályktunar á landsfundi flokksins.

Var klukkan 17. 30 á fundi með Heimdellingum í Valhöll og ræddi um stjórnmálin heima og á alþjóðavettvangi. Var fundurinn vel sóttur og mikill áhugi hjá unga fólkinu á því að ræða málin.

Fór síðdegis í ráðhúsið og skoðaði sýningu á verkefnum grunnskóla í Reykjavík og fylgdist með afhendingu hvatningarverðlauna. Eins og ég hef áður kynnst er mikil gróska í skólastarfinu og er mikils virði, að opna aðgang að því, sem þar er að gerast með þessum hætti og veita þeim viðurkenningu, sem eru að vinna að góðum verkefnum. Til skamms tíma var það ekki talið af hinu góða að stofna til keppni með þessum hætti á milli skóla. Spurning er hvort aðeins eigi að veita viðurkenningu til skóla, hvort ekki eigi að verðlauna þá einstaklinga, sem hafa frumkvæði að nýjungum í skólastarfi.

Fór síðdegis á forystumannaráðstefnu SUS og hlustaði á fróðleg erindi um ýmis mál, sem eiga eftir að setja svip sinn á komandi kosningabaráttu.

Fór klukkan 17.00 í Salinn í Kópavogi á aðalfund Bakkavarar. Er með ólíkindum, hve vel rekstur fyrirtækisins gengur.

Fór klukkan 13.30 á viðskiptaþing og hlustaði meðal annars á ræðu Davíðs Oddssonar, þar sem hann boðaði lækkun skatta á einstaklinga. Var ræðu hans mjög vel tekið og greinilegt að menn vildu sýna honum stuðning með kröftugu og langvinnu lófataki.

Var kallaður á þingflokksfund út af borgarráðsfundi í hádeginu, en forsætisráðherra greindi þingflokknum frá aðgerðum ríkisstjórnarinnar til að efla atvinnu í landinu, einkum með stórframkvæmdum í vegargerð.

Fór klukkan 11.00 í Kennaraháskóla Íslands, hitti Ólaf Proppé rektor og samstarfsmenn hans og fór síðan í kynnisferð um Hamar, nýtt hús skólans, sem hýsir bókasafn, menntasmiðju og fyrirlestrarsali.

Fyrsti borgarstjórnarfundur með nýjum borgarstjóra var haldinn klukkan 14.00. Brást hann hinn versti við, þegar ég vakti athygli á því, að til undirbúnings nýju starfi sínu hefði hann rætt einslega við borgarfulltrúa R-listans en ekki haft samband við okkur sjálfstæðismenn. Sagði hann mig ekki ráða, hverjum hann byði heim til sín!

Um kvöldið flutti ég ræðu á fundi hjá Kiwanis-klúbbnum Kötlu. Ræddi ég m.a. það, sem fram kom fyrr um daginn, þegar Colin Powell, utanríkisráðherra Bandaríkjanna, lagði fram sannanir um, að Saddam Hussein, einræðisherra í Írak, hefði skilyrði öryggisráðs Sameinuðu þjóðanna um bann við gjöreyðingarvopnum að engu.