Kosningadagur. Kaus um klukkan 10.00 og var síðan á ferðinni á kosningastöðvum fram til klukkan 21.00 en Rut hélt í tónleikaferð til New York síðdegis þennan dag.

Um klukkan 23.00 fór ég í stutta stund á kosningavöku sjálfstæðismanna að hótel Nordica.

Fór í hádeginu á fund með starfsfólki PriceWaterhouse/Coopers.

Fór í hádeginu á fund með starfsfólki Íslenskrar erfðagreiningar með Guðlaugi Þór Þórðarsyni.

Fór klukkan 08.30 á fund með starfsfólki Kaupþings með þeim Þorgerði Katrínu Gunnardsóttur og Birgi Ármannssyni. Síðdegis var ég á fundi um menntamál í Kennaraháskóla Íslands með fulltrúum allra framboðanna.

Var klukkan 08.30 á fundi með starfsmönnum Kaupþings með þeim Þorgerði Katrínu Gunnarsdóttur og Birgi Ármannssyni. Síðdegis var ég á fundi í Kennaraháskóla Íslands með fulltrúum annarra framboða.

Var fyrir hádegi á fundi með starfsmönnum Gámaþjónustunnar við Súðarvog. Spjallaði um menntamál á fundi í skrifstofu hverfafélags Nes- og Mela síðdegis.

Var í hádeginu á fundi með fulltrúum annarra flokka og starfsmönnum Landhelgisgæslunnar í flugskýli hennar.

Fór fyrir hádegi á mjög fjölmennan og skemmtilegan almennan fund með Davíð Oddssyni í Valhöll. Milli 14.00 og 16.00 var ég við gamla Gufunesbæinn í Grafarvogi og tók þar þátt í fjölmennri fjölskylduhátíð á vegum hverfafélags sjálfstæðismanna.

Sigríður Sól og synir hennar Orri og Bjarki komu heim frá New York og ætla verða hér um nokkurn tíma, þar til fjölskyldan flytur til London. Fórum út á flugvöll og náðum í þau.

Fór klukkan 08.15 á kosningafund í Reykjavíkurakademíunni og ræddi um vísindi og starf vísindamanna. Klukkan 14.00 var fundur í borgarstjórn og fyrri umræða um ársreikning Reykjavíkurborgar fyrir árið 2002.

Fór klukkan 11.00 á kynningarfund á vinnustað á vegum Styrktarfélags vangefinna að Borgarholti 6.

Var um kvöldið í útvarpsþætti á rás 2 með fulltrúum framboðslistanna í Reykjavík norður, var hann frá 20.10 til 22.00. 

Fór í útvarpsþátt klukkan 13.00 á rás 1 og ræddi um friðargæslu og hugmyndir um íslenskan her undir stjórn Jóns Ólafssonar heimspekings og Ævars Kjartanssonar útvarpsmanns. Auk mín var Össur Skarphéðinsson í þættinum.

Klukkan 14.50 tók ég þátt í sjónvarpsumræðum fulltrúa framboðslistanna í Reykjavík norður.

Var síðdegis á bókaþingi í Iðnó og tók þátt í pallborðsumræðum með fulltrúum annarra stjórnmálaflokka.

Fór í skátamessu í Hallgrímskirkju klukkan 11.00. Síðdegis tók ég þátt í grillhátíð á hverfaskrisftofunni við Lönguhlíð og kom fjöldi manns þangað til að njóta veitinganna.

Fór síðdegis í hið nýja hús Orkuveitu Reykjavíkur, þegar það var formlega opnað við há´tíðlega athöfn. Síðan fór ég í hverfisskrifstofu sjálfstæðismanna í Glæsibæ, þar sem hóf var fyrir umdæmafulltrúa. Loks fór ég á Hressó um kvöldið, þar sem SUS og Heimdallur voru með hóf fyrir ungt fólk.

Komum aftur til Reykjavíkur eftir gott frí að Kvoslæk í óvenjulega góðu veðri.

Fórum í messu í Odda klukkan 11.00 hjá sr. Sigurði Jónssyni.

Héldum síðdegis austur að Kvoslæk til að vera þar yfir páskana.

Fór klukkan 18.00 og var við opnun hverfisskrifstofu Nes- og Melahverfis við Hjarðarhaga.

Fór klukkan 20.00 og var við opnun hverfisskrifstofu Grafarvogs í húsnæði sjálfstæðisfélagsins þar við Hverafold.

Fór klukkan 16.00 í viðtal í þætti Hallgríms Thorsteinssonar á útvarpi Sögu. Ræddum um átökin í Írak.

Alþjóðlegi qi gong dagurinn. Við héldum hann hátíðlegan með því að hittast til æfinga klukkan 10.00 í sólríku góðviðri að Kjarvalsstöðum ásamt með iðkendum taj chi. Vorum þar við æfingar í tvo tíma úti og inni.

Fór klukkan 13.00 í Öskjuhlíðina, þar sem var páskaeggjaleit á vegum hverfafélaganna í Hlíða- og Holtahverfi og Nes- og Melahverfi.

Var klukkan 15.00 við opnun kosningaskrifstofu Heimdallar, Vesturbæjar-, Miðbæjar- og Norðurmýrarhverfis í gamla húsi Hressó við Austurstræti.

Sótti aðalfund Árvakurs hf. klukkan 17.00.

Tók þátt í kynningardagskrá fyrir laganema á vegum Sjálfstæðisflokksins í Valhöll síðdegis. Ræddi stuttlega um sögu og stefnu flokksins.

Sótti fyrir hádegi fulltrúaráðsfund Sambands ísl. sveitarfélaga að Hótel Sögu. Fór um klukkan 20.00 í kosningaskrifstofu sjálfstæðismanna í Hlíða- og Holtahverfi, þegar hún var opnuð við Lönguhlíð.

Fór í útvarpsumræður á dægurmálaútvarpinu hjá Lísu Páls með Þórunni Sigurðardóttur stjórnanda Listahátíðar og Hávari Sigurjónssyni blaðamanni um menningarhús. Varð undrandi á því, hve umræðan átti að verða á gömlum nótum, því að hún hófst eins og ekkert hefði verið rætt um málið í þau fjögur ár, sem það hefur verið á dagskrá.

Klukkan 16.20 var ég í Þjóðmenningarhúsinu þegar Anders Fogh Rasmussen, forsætisráðherra Dana, afhenti Davíð Oddssyni stjórnarskrána frá 1874.

Fór síðdegis á svonefndan samráðsfund Landsvirkjunar, þar sem gerð er grein fyrir starfi fyrirtækisins á næstliðnu ári og rætt um framtíðarverkefni. Fundurinn var haldinn á Grand hotel frá 14.00 til 17.00.

Fundur í borgarstjórn Reykjavíkur frá klukkan 14.00 til 21,30. Er með ólíkikindum hvað þessir fundir dragast á langinn en umræðurnar eru ekki alltaf markvissar, því að form fundanna veldur því, að menn hlaupa gjjarnan úr einu í annað. Mér þótti merkilegast á þessum fundi, að í ljós kom, að ekki hefði verið staðið við lagaskyldur um gerð stefnu og framkvæmdaáætlunar fyrir kjörtímabilið í barnaverndarmálum, en allt er komið í óefni í þeim málum við núverandi skipulag. Á hinn bóginn hef ég ekki orðið var við að neinn fjölmiðlill veki athygli á þessu sleifarlagi af hálfu R-listans í þessum mikilvæga málaflokki.

Tók klukkan 19.00 þátt í fundi nemenda í Réttarholtsskóla um réttindi grunnskólanemenda og var þar meðal ræðumanna ásamt átta nemendum, Stefáni Jóni Hafstein, formanni fræðsluráðs Reykjavíkur, og Þórhildi Líndal, umboðsmanni barna. Fundinum átti að ljúka klukkan 20.30 en hann stóð til  21.30 vegna fjörugra og málefnalegra umræðna. Á mínum grunnskólaárum hefði verið óhugsandi að efna til fundar af þessum toga, nemendur hefðu ekki haft burði eða þjálfun til þátttöku í honum.

Lokadagur landsfundar - Davíð Oddsson endurkjörinn formaður með 98% atkvæða.

Þriðji dagur landsfundar, tók þátt í fundi stjórnmálanefndar til að ræða um utanríkismálakafla stjórnmálaálytunarinnar og kynna ályktun utanríkismálanefndar fundarins um Íraksmálið. Um kvöldið var veglegt hóf í Broadway.

Sat landsfund sjálfstæðismanna og tók þátt í fundum vísindanefndar og utanríkismálanefndar.