Klukkan 13.30 hófst fjármálaráðstefna Sambands íslenskra sveitarfélaga að Hótel Sögu. Klukkan 17.00 var borgarstjórnarfundur og þar var einkum rætt um orkumál. R-listinn fer undan í flæmingi vegna þeirra og er greinilegt, að ekki líður öllum þar vel, þegar Alfreð Þorsteinsson flytur sínar sérkennilegu ræður.

Sótti klukkan 10.15 fund í utanríkismálanefnd og hitti þar fulltrúa Norður-Atlantshafsþingflokksins frá Færeyjum og Danmörku á danska þinginu. Flutti í hádeginu ræðu hjá félagi forstöðumanna ríkisstofnana um stöðu forstöðumanna gagnvart hinu pólitíska valdi. Fastir liðir eins og venjulega síðdegis: Þingflokksfundur Borgarstjórnarflokksfundur

Klukkan 09.00 var stjórnarfundur í Orkuveitu Reykjavíkur, þar sem við fulltrúar Sjálfstæðisflokksins bókuðum vantraust á Alfreð Þorsteinsson stjórnarformann vegna ótrúlegra aðferða við fundarstjórn. Klukkan 11.00 hittumst við borgarráðsmenn Sjálfstæðisflokksins vegna fundar í borgarráði, sem hófst klukkan 12.00 og stóð til 16.25 en eftir hans hófst fundur í stjórnkerfisnefnd, sem stóð fram til klukkan 18.00.

Fyrir utan hefðbundinn fund klukkan 12.00 á þriðjudögum kom borgarráð saman í Ráðhúsinu klukkan 10.00 til að hlýða á skýrslur embættismanna vegna fjárhagsáætlunar fyrir 2003.

Klukkan 15.30 var athöfn á Reykjavíkurflugvelli, þar sem samgönguráðherra afhjúpaði hnitastein í tilefni af því, að lokið var endurgerð flugbrauta og öryggiskerfis á vellinum.

Var klukkan 11.00 í viðtalsþætti Arnrþrúðar Karlsdóttur á útvarpi Sögu og ræddum við einkum stjórnsýslu í Háskóla Íslands í tilefni af áliti umboðsmanns alþingis um lektorsveitingu í félagsvísindadeild.

Alþingi kom saman að nýju eftir kjördæmaviku og settist ég aftur þar eftir að hafa fengið leyfi vegna þátttöku í þingi Sameinuðu þjóðanna. Vegna fjarveru margra þingmanna á Norðurlandaráðsfundi var erfitt að hóa nógu mörgum saman til atkvæðagreiðslu, en tókst þó.

Var með viðtöl í skrifstofu minni í alþingi frá 10.30 fram í hádegið. Klukkan 17.00 var ég við athöfn í alþingishúsinu, þegar málverk af Ragnhildi Helgadóttur var afhjúpað.

Lagði fram framboð mitt í prófkjöri sjálfstæðismanna í Reykjavík vegna þingkosninganna næsta vor.

Klukkan 17.00 var fundur í borgarstjórnarflokki sjálfstæðismanna, þar sem við löðgum á ráðin um afstöðu til mála og ræddum stefnumál okkar.

Klukkan 12.00 var borgarráðsfundur. Þar var því hafnað af Ingibjörgu Sólrúnu með minnisblaði frá borgarlögmanni að ræða um kaup Orkuveitu Reykjavíkur á ljósleiðaraneti Línu.nets á vettvangi borgarstjórnar. Þá urðu nokkrar umræður um Alþjóðahúsið en þar hafa 10 milljón króna endubætur á húsnæði farið 17 milljónir fram úr áætlun!

Klukkan 10.30 var stjórnarfundur í Aflvaka hf. sem er samstarfsvettvangur fulltrúa Reykjavíkurborgar og atvinnulífsins. Mér finnst starfsemin ekki markviss og minna á það, þegar hálfopinber fyrirtæki eru að leita að verkefnum frekar en fyrir liggi brýn úrlausnarefni.

Fórum frá New York klukkan 21.00 og lentum í Keflavík kl. 05.55 að morgni eftir mjög þægilegt flug með Flugleiðum.

Fórum síðdegis til höfuðstöðva SH í Bandaríkjunum og hittum Magnús Gústafsson og samstarfsmenn hans. Venjulega tekur um klukkustund að aka frá New York til Norwalk í Conneticut, þar sem skrifstofurnar eru. Við vorum hins vegar rúma þrjá tíma á leiðinni vegna mikillar rigningar og umferðaröngþveitis.

Fórum klukkan 09.00 í fastanefnd Íslands. Sóttum aðgangskort að fundarsölum SÞ. Sóttum fræðslufund um starf íslensku fastanefndarinnar. Kynntum okkur húsakynni og staðháttu í höfuðstöðvum SÞ. Sótti fundi á allsherjarþinginu og í afvopnunarnefndinni.

Fórum að þeim stað í New York, þar sem tvíburaturnarnir stóðu og nú hefur verið hafist handa við að gera neðanjarðabrautarstöð, sem virðist ná 6 hæðir niður í jörðina.

Klukkan 16.40 flugum við Rut til New York á allsherharþing SÞ.

Klukkan 14.00 var borgarstjórnarfundur.

Alþingi sett klukkan 13.30, 128. löggjafarþing.

Klukkan 14.00 var ég í klukkustund á Hrafnaþingi hjá Ingva Hrafni Jónssyni á útvarpi Sögu. Klukkan 16.00 fór ég á ársfund Slökkviliðsins á höfuðborgarsvæðinu í Slökkvistöðinni.

Fórum akandi frá Akureyri um hádegisbil og komum til Reykjavíkur rúmlega 17.00.

Við Rut fórum kl. 20.00 á frumsýningu á Hamlet hjá Leikfélagi Akureyrar og skemmtum okkur vel,

Flaug kl. 11.00 norður á Akureyri, þar sem 17. landsþing Sambands íslenskra sveitarfélaga hófst klukkan 13.00

Klukkan 10.00 fór ég að fjársafninu, sem staðið hafði um nóttina í girðingu fyrir neðan Kvoslæk og tók þátt í að reka féð í hólfið við Fljótshlíðarrétt og síðan í réttina. Var ég þar og aðstoðaði eftir mætti við að draga fé í dilka fram yfir 12.00. Höfðu menn á orði, að eitthvað af fé hefði greinilega sloppið frá okkur gangnamönnunum í þokunni.

Klukkan 07.30 sóttu nágrannar mínir í Fljótshlíðinni mig að Kvoslæk og við ókum að Reynifelli, eyðibýli fyrir vestan Þríhyrningin, þar sem hestar biðu okkar. Þaðan héldum við í göngur og fór ég í áttina að Austurdal og smalaði þaðan í hlíðunum fyrir austan Eystri-Rangá í sæmilegri birtu en þegar dró nær Þríhyrningi fórum við inn í niðaþoku og rákum í henni austur fyrir Þríhyrning þar til við komum til byggða fyrir ofan Lambalæk um klukkan 18.00. Var ég kominn heim að Kvoslæk um klukkan 19.00.

Klukkan 11.00 var ég með viðtalstíma eins og venjulega á föstudögum, þegar ég er í Reykjavík. Viðtölin hef ég í skrifstofu minni á vegum alþingis og er auðveldast að panta tíma með því að hringja í Rakel í síma 563 0500. Klukkan 16.00 var ég í umræðuþætti á útvarpi Sögu hjá Hallgrími Thorsteinssyni og ræddi fréttir líðandi viku við Katrínu Júlíusdóttur og Pál Kr. Pálsson.

Klukkan 14.00 hófst borgarstjórnarfundur og stóð hann fram undir klukkan 18.00 - bókun okkar sjálfstæðismanna í borgarráði varð kveikja að umræðum um háa húsaleigu og lóðaskort. Þá ræddum við um framtíð Vatnsmýrarinnar og ráðagerðir R-listans um skipulagsslys á Norðlingaholti.

Klukkan 16.00 hittist borgarstjórnarflokksfundur sjálfstæðismanna eins og venjulega á miðvikudögum til að bera saman bækur sínar, fara yfir mál á vettvangi nefnda borgarinnar og leggja á ráðin um afstöðu og stefnumörkun.

Eins og venjulega var fundur í borgarráði klukkan 12.00 og stóð hann að venju um tvær klukkustundir. Á fundinum lögðum við sjálfstæðismenn fram bókun vegna glannalegra ummæla Páls Péturssonar félagsmálaráðherra um leigumarkaðinn.

Klukkan 11.00 til 12.00 var ég í viðtalsþætti Arnþrúðar Karlsdóttur´í útvarpi Sögu.