Flugum um hádegið til Egilsstaða og efndum klukkan 13.00 til fundar með nemendum Menntaskólans á Egilsstöðum og síðan með kennurum skólans. Klukkan 16.30 vorum við í Hússtjórnarskólanum á Hallormsstað og efndum þar til fundar. Flugum síðan til Hafnar í Hornafirði.

Klukkan 13.50 voru umræður utan dagskrár á alþingi um málefni Þjóðminjasafnsins.

Klukkan 11.00 var blaðamannafundur í menntamálaráðuneytinu, þar sem skrifað var undir samning um kaup á hugbúnaði fyrir skóla frá Microsoft. Klukkan 12.00 kom Edda Björgvinsdóttir leikkona í heimsókn í menntamálaráðuneytið og sýndi hluta af leikriti, sem hún sýnir nú á Litla sviði Borgarleikhússins. Klukkan 15.00 voru óundirbúnar fyrirspurnir til ráðherra á alþingi og var ég þar spurður um dreifbýlisstyrki og úthlutun listamannalauna.

Ferð til Akureyrar féll niður vegna veðurs í Hlíðarfjalli.

Frá hádegi var ég á UT2000 og tók þátt í pallborðsumræðum í lok ráðstefnunnar. Þeir, sem vilja fræðast meira um þessa metnaðarfullu ráðstefnu geta gert það með því að fara inn á heimasíðu samstarfsaðila ráðuneytisins um ráðstefnuna, Menntar: www.mennt.is

Klukkan 10.00 fórum við í Menntaskólann við Hamrahlíð og efndum þar til funda með nemendum og kennurum. Klukkan 13.00 setti ég UT2000 með ávarpi. Klukkan 16.00 opnaði ég málverkasýningu á vegum Ævintýraklúbbsins í Nýkaupum í Kringlunni en þar sýna þroskaheftir í klúbbnum 36 myndir sínar, þeir sungu einnig og dönsuðu við mikinn fögnuð áhorfenda.

Komst ekki til Ísafjarðar vegna veðurs. Kvað upp þann úrskurð, að ég skyldi víkja sæti vegna stjórnsýslukæru í framhaldi af uppsögn fjármálastjóra Þjóðminjasafns. Úrskurðinn er unnt skoða í heild sinni með því að fara inn á heimasíðu menntamálaráðuneytisins www.mrn.stjr.is og skoða þar undir stiklunni Fréttatilkynningar. Fór 20.30 í Neskirkju og sá Job í flutningi Arnars Jónssonar leikara og tónlistarmanna.

Flugum klukkan 8.45 til Sauðárkróks og heimsóttum Fjölbrautaskóla Norðurlands vestra, þar sem ég efndi til funda með nemendum og kennurum. Áður en við flugum aftur suður átti ég fund með forystufólki sveitarfélagsins Skagafjarðar um menningarmál og svaraði meðal annars spurningum um menningarhús.

Klukkan 14.00 fundur með nemendum og síðan kennurum Menntaskólans í Reykjavík. Klukkan 17.00 fundur á vegum heilbrigðisnefndar Sjálfstæðisflokksins um háskólasjúkrahús, en ég var þar meðal ræðumanna.

Fórum á tónleika Dönsku útvarpshljómsveitarinnar í Háskólabíói klukkan 20.

Flugum um 11.00 til Minneapolis og síðan heim með Flugleiðum klukkan 18.40. Tók heimflugið aðeins 5 tíma og 20 mínútur, eða um klukkustund minna en flugið að heiman. Gafst okkur tími til að skreppa í Mall of America á milli flugvéla, en það er sögð stærsta Kringla í Bandaríkjunum, Kanadamenn segjast eiga stærri og ódýrari í Edmonton í Alberta-fylki.

Flugum síðdegis til Winnipeg í mikilli þoku með Northwest frá Minneapolis, þar sem klukkutíma töf var við flugtak. Í Winnipeg rigndi mikið og var 8 stiga hiti, þvert á það sem venjulegt er, höfðum búið okkur undir 10 til 15 gráðu frost.

Fór klukkan 9.30 í heimsókn í Minneapolis-háskóla og dvaldist þar til klukkan 17.00 og skoðaði deildir og bókasafn. Síðan efndi Örn Arnar ræðismaður til móttöku á heimili sínu fyrir íslenska námsmenn.

Klukkan 16.50 flugum við til Minneapolis.

Klukkan 14.00 var fyrst fundur með nemendum og síðan kennurum í Menntaskólanum við Sund. Klukkan 20.30 var ég framsögumaður á fundi sjálfstæðismanna á Akranesi, þar sem við ræddum stjórnmálaástandið fram til klukkan 22.30.

Klukkan 20.30 fór ég á tónleika Kammersveitar Reykjavíkur í Langholtskirkju, þar sem flutt voru verk eftir Henryk Gorecki.

Klukkan 10.00 hófst Háskólaþing í Háskólabíói og stóð það til klukkan 16.50. Klukkan 14.00 var ég í Reykjanesbæ og tók þátt í hátíðlegri athöfn, þegar Reykjaneshöllin var formlega opnuð.

Klukkan 9.30 fórum við í heimsókn í Fullorðinsfræðslu fatlaðra á Akureyri. Klukkan 10.00 efndi ég til fundar með nemendum í Menntaskólanum á Akureyri og klukkustund síðar með kennurum. Klukkan 12.00 bauð bæjarstjóri og forsteti bæjarstjórnar á Akureyri mér til hádegisverðar og síðan rituðum við undir endurnýjaðan menningarsamning milli bæjarins og menntamálaráðuneytis. Klukkan 14.00 efndi ég til fundar með nemendum og klukkutíma síðar með kennurum í Verkmenntaskólanum á Akureyri. Héldum heim aftur með vél klukkan 19.00.

Klukkan 10.00 efndi ég til fundar með nemendum og kukkustund síðar með kennurum í Framhaldsskólanum á Húsavík. Klukkan 14.30 efndi ég til fundar með nemendum og klukkustund síðar með kennurum í Framhaldsskólanum að Laugum. Síðan héldum við til Akureyrar.

Klukkan 19.50 flugum við til Húsavíkur vegna framhaldsskólaheimsókna.

Klukkan 14.00 efndi ég til fundar með nemendum í Stýrimannaskólanum í Reykjavík en rúmlega 15.00 hitti ég kennara skólans. Klukkan 19.00 ræddi ég um menntamál í Stjórnmálaskóla Sjálfstæðisflokksins. Klukkan 20.30 sótti ég tónleika Hamrahlíðarkórins í Ými.

Klukkan 14.00 var athöfn í Þjóðarbókhlöðunni þar sem Örn Arnar, læknir og ræðismaður Íslands í Minneapolis, afhenti Stofnun Árna Magnússonar Edduhandrit, pappírshandrit frá því um 1770 að gjöf. Hafði hann keypt það af Kenneth Melsted, bónda í Vatnabyggð í Kanada. Þá opnaði ég nýja vefsíðu Árnastofnunnar, þar sem nú er unnt að skoða handrit í stafrænni útgáfu og hlusta á Vestur-íslendinga segja sögur. Slóðin er www.am.hi.is.

Klukkan 10 vorum við í Fjölbrautaskóla Suðurnesja í Reykjanesbæ og hittum þar nemendur á fundi og síðan kennara. Klukkan 19.00 fórum við Rut í Laugardalshöll og hlýddum á óperuna Aïdu með Sinfóníuhljómsveit Íslands, Kristjáni Jóhannssyni og fleiri stórsöngvurum.

Klukkan 20. 30 fórum við Rut í Íslensku óperuna, þar sem nemendur úr Listdansskóla Íslands og Tónskóla Sigursveins sýndu listir sínar.

Klukkan 12.00 var ég í Ráðhúsi Reykjavíkur og afhenti fyrst Tölvuökuskírteinin, sem Skýrslutæknifélagið hefur beitt sér fyrir hér á landi í samvinnu við evrópska aðila, en skírteinin veita réttindi, sem eru viðurkennd víða um lönd. Klukkan 16.00 var ég á Hótel Loftleiðum, þar sem Sarpur, nýr gagnagrunnur Þjóðminjasafns Íslands var ræstur og kynntur.

Klukkan 10 vorum við á fundi með nemendum Fjölbrautaskóla Suðurlands á Selfossi og síðan með kennurum skólans. Þaðan héldum við Laugarvatns og hittum nemendur í menntaskólanum þar klukkan 14.00 og síðan kennara klukkustund síðar.

Klukkan 12.00 vorum við á fundi með nemendum í Fjölbrautaskólanum við Ármúla og síðan kennurum skólans. Klukkan 16.00 fór ég í Menntaskólann við Sund þar sem hugbúnaðarfyrirtækið Snerpa á Ísafirði og rússneskur samstarfsaðili gáfu öllu íslenska skólakerfinu AVP veiruvörn. Klukkan 20.00 fórum við Rut í Íslensku óperuna og sáum óperuna Lúkretía svívirt eftir Benjamin Britten og hefur hún verðskuldað hlotið mjög góða dóma. Sunnudagur 6. febrúar Klukkan 15.00 hélt Félag íslenskra leikskólakennara upp á 50 ára afmæli sitt og var ég meðal þeirra, sem þar töluðu.

Klukkan 10.00 efndum við til funda með nemendum og síðan kennurum í Fjölbrautaskólanum í Breiðholti. Klukkan 17.00 tók ég þátt í athöfn í Tæknigarði, þar sem Ráðgjafaþjónusta Háskóla Íslands og Nýsköpunarsjóður stóðu að því að veita viðurkenningu fyrir góð rannsóknaverkefni, en þau eru kölluð Upp úr skúffunum.

Þennan dag varð Inga Þorgeirsdóttir, tengdamóðir mín, áttræð og héldu dætur hennar afmælisveislu hennar á heimili okkar Rutar. Var þar margt góðra gesta og kór Þorgerðar setti sérstakan svip á hátíðina með því að syngja fyrir gesti, þegar þeir komu til veislunnar.

Klukkan 13.00 héldum við fund með nemendum Iðnskólans í Reykjavík í Hallgrímskirkju og síðan kennurum í skólahúsinu sjálfu.