Klukkan 8.30 tók ég þátt í setningarfundi ráðstefnu norrænna blaðahönnuða og teiknara á Grand hóteli. Klukkan 17.00 fór ég aðalfund Granda hf.

Klukkan 10.00 setti ég samstarfsnefndarfund með skólameisturum og tók þátt í umræðum á honum fram að hádegi.

Klukkan 10.00 var blaðamannafundur í Listasafni Íslands, þar sem Microsoft kynnti með formlegum hætti íslenska útgáfu sína á Windows 98. Síðdegis svaraði ég fyrirspurn á alþingi frá Kolbrúnu Halldórsdóttur um Fullorðinsfræðslu fatlaðra. Klukkan 17.00 setti ég 19. Reykjavíkurmótið í skák í Ráðhúsinu.

Síðdegis komu fulltrúar skáta á minn fund og afhentu mér bækur, sem skátahreyfingin hefur gefið út. Ég flutti á alþingi frumvarp um sjálfstæði Íslenskrar málstöðvar.

Klukkan 9.00 setti ég norræna ráðstefnu um fjármögnun háskólastigsins og tók síðan þátt í pallborðsumræðum um málið. Síðdegis svaraði ég óundirbúinni fyrirspurn á alþingi frá Kolbrúnu Halldórsdóttur um skólanámskrár MR og MA.

Klukkan 14.00 fór ég í Ráðhúsið og setti kynningardaga Fullorðinsfræðslu fatlaðra. Um kvöldið fórum við síðan og sáum Íslenska dansflokkinn sýna list sína í Borgarleikhúsinu.

Klukkan 13.00 var ég við upphaf Heimsmeistaramóts í atskák í Salnum í Kópavogi. Klukkan 13.30 sótti ég 70 ára afmælistóleika Lúðrasveitarinnar Svans. Klukkan 15.00 var ég í Listasafni Íslands, þegar einstök sýning á Þingvallamyndum eftir Jóhannes S. Kjarval, Ásgrím Jónsson og Jón Stefánsson var opnuð. Klukkan 16.00 opnaði ég fróðlega og vel skipulagða sýningu um sögu Reykjavíkur í Árbæjarsafni.

Flugum um hádegisbilið til Vestmannaeyja eftir fundi með nemendum og kennurum í Framhaldsskólanum í Vestmannaeyjum, skoðuðum við Rannsóknasetur Háskóla Íslands og síðan flutti ég ræðu um mennta- og menningarmál í stjórnmálaskóla Sjálfstæðisflokksins. Klukkan 19.45 var ég mættur í Valsheimilið, þar sem lokakeppni Gettu betur fór fram og afhenti ég sigurvegaranum liði MR farandbikarinn Hljóðnemann, en liðið vann keppni við MH og fékk MR nú bikarinn í áttunda sinn.

Fórum klukkan 9.00 af stað til Neskaupstaðar, lentum á Egilsstöðum og ókum síðan á leiðarenda og efndi ég til funda með nemendum og kennurum í Verkmenntaskóla Austurlands. Á heimleiðinni heimsóttum við kirkju- og menningarsetrið, sem er að rísa á Eskifirði, og skoðuðum það.

Klukkan fór ég í Sigurjónssafn og opnaði 16.00 vefsíðu SPROK.IS, sem er þýðingarmiðstöð og varð til vegna íslenskunar á Windows 98.

Síðdegis efndi ég til árlegs samráðsfundar með forystumönnum Bandalags íslenskra listamanna (BÍL), þar sem rædd voru málefni, sem snerta samstarf menntamálaráðuneytisins og BÍL.

Varð að hætta við framhaldsskólaferð til Ísafjarðar vegna veðurs.

Klukkan 14.00 var hátíðleg athöfn í Borgarholtsskóla, þegar hann var formlega vígður. Síðan fórum við að myndlistarsýningar í Söðlakoti, Norræna húsinu og Hafnarborg. Klukkan 19.00 fórum við á frumsýningu á Kysstu mig Kata í Borgarleikhúsinu.

Klukkan 14. setti ég ráðstefnu í Iðnó til kynningar á Leonardó da Vinci II áætluninni. Klukkan 16.30 flaug ég til Akureyrar með Íslandsflugi en tæplega klukkutíma seinkun var á fluginu. Íþróttaþing átti að hefjast klukkan fimm en klukkan var 17.30 þegar ég náði þangað ásamt með Guðjóni Guðmundssyni, formanni Íþróttanefndar ríkisins. Var Ellert B. Schram að flytja ræðu sína, þegar við gengum í salinn. Flugum síðan aftur til baka klukkan 20.00

Fórum í Neskirkju og hlýddum á lokaþátt Stóru upplestrarkeppninnar og kom það í minn hlut að afhenda þátttakendum viðurkenningu. Þetta góða framtak mælist alls staðar vel fyrir og á vonandi eftir að efla allra lestrarkennslu og áhuga á íslenskum bókmenntum.

Viðtal í Kastljósi sjónvarpsins um nýju námskrárnar.

Viðtal í Speglinum, fréttatengdum þætti í hljóðvarpi ríkisins, um styttingu náms til stúdentsprófs og lengra skólaár. Sáum Krítarhringinn í Kákasus í Þjóðleikhúsinu.

Klukkan 17.15 viðtöl og fundur með sjálfstæðismönnum á Kaffi Reykjavík.

Klukkan 14.30 fór ég í hús Rauða kross Íslands og tók þar á móti fyrsta eintaki af bók eftir Öddu Steinu Björnsdóttur, sem verður dreift í 4. bekk allra grunnskóla í landinu og Rauði krossinn gefur út í samvinnu við Æskuna. Markmið bókarinnar er að vekja unga fólkið til umhugsunar um fólk af ólíkum kynþáttum og er útgáfa hennar tengd alþjóðadegi gegn kynþáttamisrétti, sem er 21. mars.

Flogið frá Lissabon til Íslands í gegnum London.

Fyrir hádegi samykktar niðurstöður funda um símenntun og ráðstefnuslit með ræðu forsætisráðherra Portúgals. Eftir hádegi einkaferð til Fatima.

Fyrir hádegi er Leonardo da Vinci II, Socrates II og Æsku hleypt af stokkunum með þátttöku forseta Portúgals. Eftir hádegi vinnufundir um símenntun.

Fundur með íslenskum starfsmönnum á vettvangi Evrópusambandsins. Fundur í sendiráði Íslands í NATO. Flogið um kvöldmatarleyti til Lissabon,

Fyrir hádegi fundir með fulltrúum ESB og síðan EFTA. Síðdegis heimsókn til borgarstjóra og stjórnanda Brussel 2000, menningarborgar Evrópu.

Ráðherrafundur OECD fram yfir hádegi, flogið síðdegis til Brussel.

Fundur menntamálaráðherra frá OECD-ríkjum.

Flogið síðdegis til Kaupmannahafnar.

Klukkan 10.00 foreldraþing í Breiðholtsskóla á vegum SAMFOKS og SAMKÓPS þar sem ég flutti ávarp. Síðdegis fórum við Rut í Menntaskólann í Kópavogi sem var með opið hús og þaðan í Ásmundarsafn, þar sem Steinunn Þórarinsdóttir var að opna sýningu.

Klukkan 20.30 var hátíðardagskrá í Reykholtskirkju, þegar forráðamenn Máls og menningar afhentu Snorrastofu bókasafn dr. Jakobs Benediktssonar til eignar.

Klukkan 9.30 fundur með nemendum Framhaldsskólans í Austur-Skaftafellssýslu og síðan kennurum skólans. Klukkan 12.00 var hádegisverður í boði bæjarstjórnar, síðan skoðunarferð í Gömlu búð og klukkan 13.30 skrifað undir samkomulag um Nýjheima og byggingu nýs framhaldsskólahúss. Klukkan 14.30 tekin fyrsta skóflustunga að Nýheimum og síðan flogið til Reykjavíkur. Klukkan 20.00 50 ára afmælistónleikar Sinfóniuhljómsveitar Íslands og síðan afmælisveisla, þar sem ég flutti ávarp.