Klukkan 11.00 var efnt til ríkisráðsfundar á Bessastöðum. Alþingi kom saman til fundar klukkan 13.30 og var tillaga um Kristnihátíðarsjóð tekin til fyrri umræðu.

Klukkan 14.30 tók ég þátt í því að taka nýjan fjarfundabúnað í Vík í Mýrdal í notkun með því að sitja fjarfund í höfuðstöðvum Byggðastofnunar við Engjateig með fólki í Vík.

Klukkan 14.00 kom frú Deng, aðstoðarvísindaráðherra Kína, í heimsókn til mín en hún dvaldist hér í nokkra daga með sendinefnd og heimsótti einkum vísinda- og rannsóknarstofnanir. Ekki var síst merkilegt að hitta frú Deng, þar sem hún er dóttir þess Dengs, sem var alráður í Kína á síðasta áratug og innleiddi þar hið tvöfalda kerfi, það er kapítalisma með sósíalisma með þeim orðum, að það væri sama hvort kötturinn væri svartur eða hvítur, ef hann veiddi mýs. Deng var lengi í kör og mátti ekki mæla með þeim hætti, að allir skildu, varð dóttir hans helsti tengiliður hans við umheiminn, þar sem hún skildi muldur föður síns og túlkaði fyrir öðrum. Spurði ég frú Deng, hvort hún hefði gegnt þessu hlutverki. Hún sagði yngri systur sína einkum hafa hjúkrað og sinnt föður þeirra, því að sjálf hefði hún verið önnum kafin við ráðherrastörf, en þó hefði hún einnig komið hér við sögu. Þá staðfesti hún, að faðir sinn hefði verið mikill briddsspilari, auk þess sem hann hefði haft yndi af því að stunda sund. Sagði frúin, að systir sín hefði ritað sögu föður þeirra á tímum menningarbyltingarinnar, en þá var hann sviptur öllum völdum og mátti þola ofsóknir af völdum fjórmenningarklíkunnar, sem laut forystu eiginkonu Maós formanns. Væri bókin væntanleg á ensku.

Flogið klukkan 08.45 frá Malaga um Madrid til Keflavíkur.

Flogið klukkan 07.00 frá Keflavík um Madrid til Malaga.

Klukkan 13.40 flugum við til Egilsstaða og ókum þaðan að Skriðuklaustri en þar var verið að opna hús Gunnars Gunnarssonar skálds að nýju eftir endurbætur og undir merkjum Gunnarsstofnunar. Kom það í minn hlut að opna húsið með ræðu, en um 100 manns tóku þátt í athöfninni á þessum einstæða stað. Vona ég, að sem flestir leggi þangað leið sína til að kynnast hinum óvenjulega stórhug skáldsins. Komum aftur til Reykavíkur klukkan 21.35.

Klukkan 13.40 flugum við til Egilsstaða og ókum þaðan að Skriðuklaustri en þar var verið að opna hús Gunnars Gunnarssonar skálds að nýju eftir endurbætur og undir merkjum Gunnarsstofnunar. Kom það í minn hlut að opna húsið með ræðu, en um 100 manns tóku þátt í athöfninni á þessum einstæða stað. Vona ég, að sem flestir leggi þangað leið sína til að kynnast hinum óvenjulega stórhug skáldsins. Komum aftur til Reykavíkur klukkan 21.35.

Klukkan rúmlega 10.00 héldum við Rut af stað í Alþingishúsið, þar sem þeir voru að safnast saman, sem síðan gengu í skrúðgöngu að styttu Jóns Sigurðssonar á Austurvelli, hlýddu á ræður, söng og fjallkonuna og héldu síðan í Dómkirkjuna, þar sem biskup prédikaði. Klukkan 14.00 vorum við í Þingvallakirkju, þar sem sr. Þórhallur Heimisson þjónaði fyrir altari en ég flutti stólræðu. Klukkan 17.00 fórum við í Þjóðmenningarhúsinu, þegar Halldór Blöndal, forseti alþingis, opnaði sýninguna: Kristni í 1000 ár. Þennan dag birtist viðtal Kolbrúnar Bergþórsdóttur við mig í Degi.

Klukkan 10.30 sótti ég fyrsta ársfund Háskóla Íslands í hátíðarsal skólans. Þessi fundur er nýmæli í samræmi við ný háskólalög og þar gefst tækifæri til að líta í senn yfir farinn veg og fram á við. Yfirlit yfir fjármál skólans sýnir, að hann fjárveitingar úr ríkissjóði hafa aukist jafnt og þétt síðustu ár. Klukkan 15.00 fór ég í Nýja garð og kynnti mér starfsemi Hugvísindastofnunar Háskóla Íslands, sem hefur starfað í um það bil ár og er að móta sér sess innan skólans og í fræða- og rannsóknaheiminum.

Efndi til viðtala fyrir og eftir hádegi við þá og sýnist mér nú, að tekist hafi að ná viðmælendalistanum í skaplegt horf, eftir að hann hafði lengst nokkuð undanfarna mánuði vegna fundaferða innan lands og utan. Klukkan 20.30 fórum við í Þjóðleikhúsið, litla svið, og sáum leikritið Hægan Elektra eftir Hrafnhildi Hagalín Guðmundsdóttur.

Klukkan 18.00 hittist Þingvallanefnd á Þingvöllum og kynnti sér stöðu framkvæmda til undirbúnings kristnihátíðinni 1. og 2. júlí. Einkum könnuðum við, hvort staðið væri að málum í samræmi við heimildir frá nefndinni. Kom okkur sérstaklega á óvart, hve stigar, brýr og pallar eru miklir við Öxarárfoss.

Klukkan 14.30 opnaði ég Höggmyndagarð að Sólheimum í Grímsnesi, sem hefur verið settur þar upp fyrir frumvkæði Péturs Sveinbjarnarsonar og er enn til marks um stórhug þeirra, sem standa að starfinu að Sólheimum. Eftir að ég kom aftur til Reykjavíkur skrapp ég í Laugardalshöllina, tjald við hana og Skautahöllina til að hlusta á hljómsveitir leika á tónlistarhátíðinni í Reykjavík, sem stóð yfir helgina. Hitti ég sérstaklega Stefán og félaga hans í Sálinni hans Jóns míns.

Klukkan 17.00 var athöfn í Listasafni Íslands, þar sem ég tók á móti málverkagjöf frá Slóveníu en félagar í Rotatry-klúbbi í Portoroz höfðu atbeina að gjöfinni en listamaðurinn Oblak kemur úr þeirra hópi og tók þátt í athöfninni ásamt stjórn Rotaryklúbbs Reykjavíkur, sem var tengiliður hér á landi. Málverkin eru þakklætisvottur fyrir að Íslendingar urðu fyrstir til að viðurkenna sjálfstæði Slóveníu. Klukkan 20.00 hófust stórsöngvaratónleikar með Sinfóníuhljómsveit Íslands í Laugardalshöll og þar með lokaviðburður Listahátíðar í Reykjavík árið 2000. Buðum við Rut til lokahófs eftir tónleikana í Ásmundarsafni.

Klukkan 9.00 hófst fundur norrænu menningarmálaráðherranna í skrifstofu Norrænu ráðherranefndarinnar. Um hádegisbilið ók ég þaðan til Marianeborgar, sumarseturs danska forsætisráðherrans, þar sem fundur norrænna menntamálaráðherra var haldinn síðdegis. Flaug heim um kvöldmatarleytið.

Klukkan 9.00 setti ég málþing menntamálaráðuneytisins um lesskimun í Borgartúni 6. Var stóri salurinn þar fullur af fólki með um 300 manns og komust færri að en vildu. Kom greinilega í ljós, að mikill áhugi er á dyslexíu-vanda innan íslenska skólakerfisins og brýnt að virkja alla þá góðu krafta sem þar eru til að hjálpa þeim, sem við vandann glíma. Síðdegis flaug ég til Kaupmannahafnar og um kvöldið var menningarkynning, málsverður og fundur í danska menningarmálaráðuneytinu.

Í hádeginu fór ég á fund með stjórn Verslunarráðs Íslands og ræddi um menntamál. Um kvöldið fór ég á tónleika Kammersveitar Reykjavíkur í Salnum, þar sem flutt var íslensk nútímatónlist.

Fórum um kvöldið í Ými og hlustuðum á Hamrahlíðarkórinn flytja verk eftir íslensk tónskáld.

Klukkan 16.00 voru pallborðsumræður um nýja námskrá hjá Endurmenntunarstofnun Háskóla íslands við Dunhaga. Klukkan 18.00 opnaði ég sýninguna Áráttu á samtímalistaverkum í eigu Péturs Arasonar og Rögnu Róbertsdóttur í Gerðarsafni. Síðan fórum við í hátíðarkvöldverð hjá Stórstúku Íslands, þar sem ég var heiðraður ásamt ýmsum öðrum. Laugardagur 3. júní Klukkan 13.00 var Listaháskóla Íslands slitið í fyrsta sinn og við Hjálmar H. Ragnarsson rektor rituðum undir samstarfssamning. Fórum í Hafnarborg þar sem var að hefjast sýning á málverkum Louisu Matthíasdóttur, eiginmanns hennar og dóttur.

Klukkan 14.00 opnaði ég sýninguna Íslensk byggingatækni í Kjöthúsinu í Árbæjarsafni. Úr Árbæ fórum við í Árnastofnun, þar sem verið var að opna sýningu á handritum sem tengjast landafundum og kristnitöku. Um kvöldið fórum við í Háskólabíó og hlýddum á tónleika finnska píanóleikarans Olli Mustonen.

Klukkan 15.00 var ritað undir þjónustusamning við Háskólann í Reykjavík í Þjóðmenningarhúsinu. Klukkan 17.00 fór ég í ný húsakynni Lánasjóðs íslenskra námsmanna við Borgartún, tók þátt í fundi stjórnar sjóðsins og athöfn, þegar húsakynnin voru formlega opnuð. Síðan fórum við í Iðnó, þar sem tilkynnt var um þá, sem í ár hljóta Fulbright-styrki. Í ræðu minni af því tilefni sagði ég, að það væri tímaskekkja að gera þá kröfu til styrkhafa, að þeir flyttust frá Bandaríkjunum að loknu námi sínu þar. Um kvöldið fór ég á frumsýningu á 101 Reykjavík og hafði gaman af því að sjá nýja og furðulega hlið á borgarlífinu.

Efnt var til fundar í menntamálaráðuneytinu kl.14.00 með fulltrúum Hótel- og matvælaskólans í Menntaskólanum í Kópavogi og fulltrúum starfsgreinaráðs á þessu sviði til að ræða um stöðu ráðsins gagnvart skólanum. Var áréttað af minni hálfu, að hlutverk ráðsins væri að gera tillögur til ráðuneytisins en það ætti ekki að hafa afskipti af innra starfi skólans.

Tek þátt í sjónvarpsþættinum Silfur Egils með Siv Friðleifdóttur og Össuri Skarphéðinssyni.

Klukkan 15.00 er garðhúsasýningin opnuð á Kjarvalsstöðum. Klukkan 16.00 opnaði ég sýninguna Flakk í Norræna húsinu. Klukkan 17.00 sækjum við vorfagnað sjálfstæðismanna í Reykjavík í Valhöll.

Klukkan 16.00 er hátíðleg athöfn í Menntaskólanum í Reykjavík á vegum Hagsmunafélags um eflingu verk- og tæknimenntunar á háskólastigi, sem verðlaunar að þessu sinni Áskel Harðarson stærðfræðikennara fyrir árangursríka stærðfræðikennslu á framhaldsskólastigi og kom það í minn hlut að afhenda verðlaunin. Klukkan 17.30 hátíðarkvöldverður á Bessastöðum til heiðurs konungshjónunum frá Jórdaníu. Var þetta fyrsti opinberi kvöldverðurinn, þar sem Dorrit Moussaieff, unnusta forsetans með opiberri trúlofun daginn áður, sat í húsmóðursæti. Klukkan 20.30 hófst ógleymanleg sýning Svanavatnsins í Borgarleikhúsinu. Laugardagur 27. maí Klukkan 15.00 er garðhúsasýningin opnuð á Kjarvalsstöðum. Klukkan 16.00 opnaði ég sýninguna Flakk í Norræna húsinu. Klukkan 17.00 sækjum við vorfagnað sjálfstæðismanna í Reykjavík í Valhöll.

Fyrir hádegi fer ég í George Washington-háskólann og afhendi þar Íslendingasögurnar að gjöf. Eftir hádegi fer ég í Cato Institude, hitti sérfræðing þess í skólamálum og kynnist viðhorfum hans til þróunar þeirra. Síðan flogið heim aftur.

Hádegisverður með fulltrúum Virginíu-háskóla um samstarf við hann um stuðning við námsmenn. Klukkan 13.20 málþing um íslenska sagnahefð í Library of Congress með þátttöku sérfræðinga frá Norður-Ameríku og Evrópu. Málþingið er mun betur sótt en skipuleggjendur þess væntu og þurfti að fjölga stólum í salnum. Ég flyt ræðu við upphaf þess. Klukkan 18.30 athöfn í Thomas Jefferson-byggingu Library of Congress, þegar sýning á íslenskum handritum og bókum er opnuð og tilkynnt um gjöf íslensku ríkisstjórnarinnar til bandarískra bókasafna.

Klukkan 11.30 fundur með Richard W. Riley, menntamálaráðherra Bandaríkjanna, í skrifstofu hans.

Klukkan 11:30 fundur með Richard W. Riley, menntamálaráðherra Bandaríkjanna, í skrifstofu hans.

Flogið síðdegis til Baltimore.

Fórum klukkan 14.00 í Dómkirkjuna og tókum þátt í hátíðarmessu vegna þess að lokið er endurbótum við kirkjuna fyrir 180 milljónir króna, sýnist mjög vel hafa til tekist við þessar framkvæmdir. Í ræðum manna kom fram, að skriður hafi komist á framkvæmdir, þegar ég úrskurðaði í 24 ára deilu sóknarnefndar og húsafriðunarnefndar um það, hvort stytta mætti kirkjubekkina niðri, þannig unnt væri að ganga inn í þá frá vegg kirkjunnar. Úr kirkjunni fórum við í Listasafn Reykjavíkur í Hafnarhúsinu, þar sem sýningin á öndvegishúsum var opnuð við hátíðlega athöfn undir merkjum Listahátíðar í Reykjavík. Síðan fórum við í Nýlistasafnið, þar sýningin Puerile 69 var opnuð undir merkjum Listahátíðar í Reykjavík, þar sem fjórir breskir listamenn sýna verk, en þeir eru kynnti sem stjörnur í hátískuheimi myndlistarinnar. Loks fórum við í Ásmundarsal og skoðuðum sýninguna Í skuggsjá rúms og tíma með verkum eftir Lawrence Weiner, Kristján Guðmundsson, Hrein Friðfinnsson, Þór Vigfússon og Kristin E. Hrafnsson.