Föstudagur 12.4.1996

Föstudaginn 12. apríl síðdegis skaust ég út af fyrirlestri Mayors í Háskóla Íslands, þegar hann var tekinn til við að svara fyrirspurnum, til að stjórna aðalfundi Sparisjóðs Reykjavíkur og nágrennis, sem ég hef gert í mörg ár. Að kvöldi föstudagsins fórum við á frumsýningu á leikriti Jónasar Árnasonar í Borgarleikhúsinu. Laugardagskvöldið fórum við síðan og sáum Þrjár stórar konur í Tjarnarbíói en það er eftir Edward Albee. Ólíkari verk er vart unnt að sjá.