Klukkan 14.00 flutti ég ræðu á málræktarþingi, sem var haldið í Hafnarfirði. Klukkan 19.00 fórum við og sáum Töfraflautuna í Íslensku óperunni.

Dagur íslenskrar tungu. Klukkan 11.00 setti ég athöfn í Þjóðmenningarhúsinu, þar sem Davíð Oddssyni var afhent fyrsta eintak af margmiðlunardiskinum Alfræði íslenskrar tungu. Síðan héldum við á Akranes en rúmlega 12.30 var ég í Brekkubæjarskóla, þar sem opnuð var ný álma með góðri veislu, síðan fórum við í Grundarskóla, þar sem börnin minntust dagsins með skemmtilegri dagskrá. Þá var ekið í Andakílsskóla, þar sem þriggja manna móttökunefnd nemenda sýndi okkur skólann sinn. Loks heimsóttum við Kleppjárnsreykjaskóla og hittum nemendur við störf þeirra auk þess sem við sáum atriði úr söngleik, sem þeir eru að setja upp undir stjórn Flosa Ólafssonar. Klukkan 16.30 hófst hátíðardagskrá dags íslenskrar tungu í Reykholtskirkju og þar var Ingibjörg Haraldsdóttir sæmd verðlaunum Jónasar Hallgrímssonar en Námsflokkar Reykjavíkur og Félag framhaldsskólanema fengu viðurkenningu.

Klukkan 14.00 tók ég þátt í blaðamannafundi í geymsluhúsnæði Þjóðminjasafns í Kópavogi, þar sem kynnt var samstarf safnsins og Landsvirkjunar. Klukkan 20.00 opnaði ég sýningu til minningar um Björgu C. Þorláksson í Þjóðarbókhlöðunni auk þess sem þar var kynnt bók Sigríðar Dúnu Kristmundsdóttur um Björgu.

Klukkan 14.00 tók ég þátt í stofnfundi hlutafélags ríkis og sveitarfélaga um Landskerfi bókasafna, sem var haldinn á Grand hótel Reykjavík. Svaraði síðan tveimur fyrirspurnum á alþingi. Klukkan 17.15 var kynningarfundur á vegum Samtaka um vestræna samvinnu og Varðbergs á bók minni Í hita kalda stríðsins í Skálanum, Hótel Sögu. Sóttu um 80 manns fundinn en auk mín höfðu þeir Jakob F. Ásgeirsson, Albert Jónsson og Ásgeir Sverrisson framsögu á fundinum.

Klukkan 13.15 setti ég ráðstefnu um tungutækni í Salnum í Kópavogi.

Fór klukkan 20.00 á tónleika Kammersveitar Reykjavíkur í Listasafni Íslands, þar sem flutt var tónlist eftir Þorkel Sigurbjörnsson.

Klukkan 12.30 var ég í þættinum Silfur Egils með þeim Margréti Frímannsdóttur og Kolbrúnu Halldórsdóttur. Klukkan 20.00 vorum víð á Broadway við afhendingu Eddu-verðlaunanna.

Klukkan 09.00 flutti ég setningarræðu við upphaf málþings um einelti, sem menntamálaráðuneytið hélt í Borgartúni 6. Klukkan 14.30 sótti ég fund hjá Samtökum sveitarfélaga á Vesturlandi á Akranesi og ræddi þar um menntamál. Klukkan 19.30 tók ég þátt í Kastljósi ríkissjónvarpsins með Margréti Vilhjálmsdóttur leikkonu og Ólafi H. Torfasyni, sem meðal annars er sérfróður um kvikmyndir. Klukkan 20.10 setti ég Kvikmyndahátíð í Reykjavík, sem að þessu sinni hófst í Laugarásbíói.

Klukkan 13.00 flutti ég ræðu við upphaf þings vélstjóra. Klukkan 19.30 sótti ég kvikmyndartónleika í Háskólabíói, þar sem Sinfóníuhljómsveit Íslands lék tónlist eftir Sjostakóvitsj undir kvikmyndinni Beitiskipið Pótemkin eftir Eisenstein.

Klukkan 13.30 voru umræður utan dagskrár á alþingi um málefni háskóla. Síðan svaraði ég þremur fyrirspurnum um virðisaukaskatt á bókum, menningarhús og samstarf við Microsoft.

Klukkan 13.30 var umræða utan dagskrár á alþingi um málefni framhaldsskóla. Klukkan 16.30 setti ég námsstefnu Íslensk ameríska félagsins í sal Endurmenntunarstofnunar Háskóla Íslands, sem var trofullur af fólki, sem vildi kynnast námi í Bandaríkjunum,

Klukkan 09.15 setti ég málþing um landsaðgang að rafrænum tímaritum og gagansöfnum, sem haldið var í Þjóðarbókhlöðunni. Klukkan 13.00 opnaði ég nýja 4000 fermetra álmu við Háskólann í Reykjavík. Klukkan 14.00 var ég á lokafundi Netþings unginga á vegum umboðsmanns barna.

Flaug kl. 13.30 til Egilsstaða og fór þaðan til Skriðuklausturs, þar sem ég ritaði undir samning við Gunnarsstofnun við Skúla Björn Gunnarsson, fortsöðumann hennar. Hélt frá Egilsstöðum kl. 18.30 og var kominn til Reykjavíkur 19.35

Klukkan 09.30 hófst fundur norrænna menntamálaráðherra. Klukkan 13.00 var fundur norrænna menningarmálaráðherra með Norðurlandanefnd Norðurlandaráðs. Klukkan 14.00 var fundur norrænu menningarmálaráðherranna. Hélt heim klukkan 20.10.

Hélt til Kaupamannahafnar kl. 08.00 á norræna ráðherrafundi. Klukkan 15.00 sat ég fund með þingmönnum í Vest-norræna ráðinu ásamt menntamálaráðherra Færeyinga.

Klukkan 09.15 fór ég í kennslustund hjá Hannesi Hólmsteini Gissurarsyni í Háskóla Íslands og ræddi við erlenda nemendur hans um öryggis- og utanríkismál Íslands.

Klukkan 14.15 sótti ég þing Iðnemasambands Íslands, opnaði nýja heimasíðu sambandsins, flutti ávarp og svaraði fyrirspurnum. Klukkan 15.00 opnaði ég yfirlitssýningu á verkum Gunnlaugs Schevings í Listasafni Íslands.

Klukkan 09.15 setti ég málþing um norsk hús á Íslandi, sem haldið var í Norræna húsinu. Klukkan 13.30 flutti ég ávarp á myndlistarþingi í Listasafni Reykjavíkur í Hafnarhúsinu. Fór klukkan 20.00 á frumsýningu hjá Nemendaleikhúsinu á Túskildingsóperunni.

Fór klukkan 20.00 í nýja salinn í Borgarleikhúsinu á frumsýningu Íslenska dansflokksins.

Flýg með beinu flugi Flugleiða heim frá París.

Hringborðsumræður vísindaráðherra UNESCO-landanna halda áfram, ég stjórna lokafundi þeirra síðdegis og samþykkt ályktunar.

Tók þátt í hringborðsumræðum vísindaráðherra aðildarlanda UNESCO um siðfræði og líftækni. Um kvöldið flutti ég ræðu á fundi fransk-íslenska verslunarráðsins.

Flutti ræðu mína á aðalráðstefnu UNESCO.

Hélt til á UNESCO-ráðstefnuna í París með morgunflugi um Kaupmannahöfn

Um hádegisbilið kom Þórir Jónsson, fráfarandi formaður Ungmennafélags Íslands, ásamt nánustu samstarfsmönnum sínum á minn fund í ráðuneytið og afhenti mér áletraða gjöf til staðfestu á góðu samstarfi okkar.

Lokadagur landsfundar.

Klukkan 14.00 vorum við í Garðabæ, þegar Ásdís Halla Bragadóttir bæjarstjóri opnaði nýjan sýningarsal Hönnunarsafnsins. Landsfundur Sjálfstæðisflokksins hélt áfram.

Klukkan 09.00 til 12.00 sátum við ráðherrar Sjálfstæðisflokksins fyrir svörum á landsfundi. Fundurinn stóð fram til klukkan 18.00 en þá hófust nefndarfundir og fór ég í skóla- og fræðslunefnd, íþrótta- og æskulýðsnefnd og menningarmálanefnd og ræddi við nefndarmenn.

34. landsfundur Sjálfstæðisflokksins var settur klukkan 17.30 með ræðu Davíðs Oddssonar.

Klukkan 08.45 setti ég alþjóðaráðstefnu þjóðskjalavarða á Hótel Loftleiðum. Klukkan 13.00 setti ég barna- og unglingahátíðina Köttur úti í mýri í Norræna húsinu og opnaði sýninguna Sjöundi himinn. Klukkan 14.00 var utandagskrárumræða á alþingi um fjárhagsvanda RÚV og þar hreyfði ég þeirri hugmynd að rás 2 yrði svæðismiðstöð landshlutastöðva RÚV með aðsetur á Akureyri. Klukkan 15.30 fór ég á fund Rannsóknarráðs Íslands og kynnti frumvörp um nýskipan rannsóknarmála. Klukkan 16.30 tók ég þátt í að opna nýjan samkomusal Fjölbrautaskólans í Garðabæ. Klukkan 18.15 flutti ég ræðu um utanríkismál í Lions-klúbbnum Baldri í Hótel Esju.