Samfylking inn á atkvæðamið Pírata
Flokkar búa sig nú undir framboð og hefur hver þeirra eigin aðferð en almennt stefna þeir á að trúnaðarmenn stilli upp listum sem síðan verða bornir undir þær stofnanir innan flokksins sem skulu reglum samkvæmt samþykkja listana.
Flokkar búa sig nú undir framboð og hefur hver þeirra eigin aðferð en almennt stefna þeir á að trúnaðarmenn stilli upp listum sem síðan verða bornir undir þær stofnanir innan flokksins sem skulu reglum samkvæmt samþykkja listana.
Einn flokkur hefur tilkynnt að hann efni til prófkjörs. Píratar ætla að ákveða lista sína með netkosningu sem þeir kalla prófkjör. Þeir endurtaka skrípaleikinn frá því í fyrra þegar lítil klíka í kringum Birgittu Jónsdóttur og Smára McCarthy beitti sér gegn þeim sem henni var ekki þóknanleg.
Þetta verður endurtekið innan Pírata núna þótt Birgitta gefi ekki kost á sér. Enginn skyldi þó útiloka að þannig verði staðið að prófkjörinu að hún neyðist til að hætta við að hætta.
Smári McCarthy er ófær um að taka afstöðu til mála og lítur á hlutverk sitt að gera lítið úr öðrum. Gengur hann lengra í því efni en áður hefur þekkst eins og færsla hans til útflutnings um barnaníð í íslenskum stjórnmálum sýnir.
Píratar og forystumenn Samfylkingarinnar eiga samleið nú á lokadögum þingsins. Formenn fimm annarra flokka vilja marka skil á milli sín og flokkanna tveggja eins og fram kemur í samkomulagi um þinglok. Þá hrekkur Birgitta enn í svívirðingagírinn gegn Bjarna Benediktssyni og Sjálfstæðismönnum. Hún ætlar að verða sér til skammar með málflutningi sínum fram á sinn síðasta þingdag. Sé litið yfir þingferil hennar sést að hún hefur engum árangri náð. Að kenna öðrum um það er lítilmannlegt.
Hápunktur stjórnmálaferlis Birgittu var fyrir um það bil ári þegar hún reyndi myndun ríkisstjórnar fyrir kosningar í því skyni að breyta stjórnarskránni og kollvarpa skipulagi stjórnarráðsins. Áformin runnu út í sandinn eins og annað.
Stjórnendur Silfurs ríkissjónvarpsins: Egill Helgason og Fanney Birna Jónsdóttir.
Óvíst er um frambjóðendur Samfylkingarinnar. Nafn Helgu Völu Helgadóttur lögmanns hefur verið nefnt. Að fótur sé fyrir því má sjá af hve víða hún lætur á sér bera um þessar mundir og hve vinir Samfylkingarinnar í fjölmiðlum gefa henni gott rými til að flytja illa rökstuddan og beinlínis rangan boðskap si
Fanney Birna Jónsdóttir, þáttastjórnandi hjá ríkissjónvarpinu, gaf Helgu Völu til dæmis svigrúm til að tala gegn Sjálfstæðisflokknum í sex mínútur samfellt í þætti sínum sunnudaginn 24. september og samsinnti henni með innskotum sínum. Fanney Birna skrúfaði síðan fljótt niður í Friðjóni Friðjónssyni sem andmælti Helgu Völu.
Á forsíðu Fréttablaðsins þriðjudaginn 26. september er aðalfréttin með mynd af Helgu Völu sem gagnrýnir starfshætti hæstaréttar í heimilisofbeldismáli. Málflutningur af þessu tagi sýnir að með því að bjóða fram Helgu Völu siglir Samfylkingin inn á atkvæðamið Pírata.